Por favor habilite Javascript para usar el sitio web
Añadir imagen
Añadir mensaje de voz
Anónimo

السلام عليكم انا احب علم النفس و ابي اسال اذا ابي دورات عن علم النفس في الكويت

hace 1 año
ipsychology
عليكم السلام في موقع اسمه tadarab.com يوفر دورات مجانية او مدفوعة و شهادات وتقدرين تحضرين عندهم مجاناً بالاستيديو. + د. سعود الغانم د. كامل الفراج يقدمون دورات جدا حلوه ومفيده تابعيهم على السوشل ميديا ولما يحطون اعلان دورة سجلي + انتبهي من الشركات الي تسوي دورات علم نفس ، دايما بحثي عن اسم الشخص او المدرب الي بيسوي الدورة .. اذا كان دكتور سجلي عنده اما اذا كاتبين استاذ ف غالباً يكون المعنى مو استاذ كمدرّس ، يكونون بس حاطينها من باب الاحترام للشخص وليس الشهاده ، فهالشي معناته انه مو متخصص ومعلوماته ممكن تكون من قوقل .. لا تسجلين دورة الا عند شخص عنده شهادة الدكتوراه افضل.
0 0Comentario

اذا كنت تحلم بشخص انت احبه بس ابدا ما تفكر به هل يدل على أنه يفكر بي

hace 1 año
ipsychology
لا ابداً ماله علاقه نهائيا .. الاحلام يتم تكوينها من افكارنا وخيالنا فقط .. ماعدا الرؤيا طبعا
0 0Comentario

كيف أتعامل مع شخص بيستمر بمدايقتي وما بطيقو وكان هالشخص مضطرة اشوفو كل يوم

hace 1 año
ipsychology
عن طريق التجاهل .. لا تعطين كلامه اهميه .. اذا كلمج حاولي تسرحين وتفكرين بأي شي ثاني براسج ... وخلي افكارج دايما اجابيه بحيث ان كلامه ما يأثر عليج ... بعطيج مثال عن تأثير الافكار علينا ... تخيلي انج كل يوم تطلعين الصبح من البيت لي الدوام وتشوفين يوميا ٢٠ سياره بيضا بالطريج تقريبا ... يوم من الايام قررتي انج تشترين سياره بيضا .. وانتي طالعه من البيت ورايحة معرض السيارات عشان تشترينها الصبح شفتي ان عدد السيارات البيضا تقريبا ٥٠ او ٧٠ .... يعني اكثر من الايام العاديه الي ماكنتي تفكرين فيها بالسيارة .. في ناس يسمون هالشي قانون الجذب.. لكن بالواقع هذا مو جذب .. دماغ الانسان دايما يركز على افكاره ويحاول يفتش بالواقع على اي شي له علاقه بافكاره .. فالحقيقة ان انتي كل يوم تمر عليج ٥٠ او ٧٠ سياره بيضا الصبح لكن المخ ينتبه تقريبا على ٢٠ فقط لان انتي مو معطيتها اهميه .. لكن لما فكرتي فيها المخ قام ينتبه ويحاول يفتش عليها بالواقع .. ف يخليج تشوفين ال٧٠ كلهم وينتبه لهم كلهم لانه يدري انج تفكرين فيهم .......... نفس الشي ممكن نطبقه على مشاعرنا .. اذا قلتي "انا مو هامني كلام هالشخص .. كلامه مو مهم .. ماراح يضايقني " تدريجياً المخ راح يخليج تنتبهين على نقاط قوتج اكثر .. بس لما تفكرين العكس "هالشخص يضايقيني وماقدر اتحمله" المخ يخليج تحسين بالحزن اكثر لما تسمعين من هالشخص اي كلمة
0 3Comentario

شو سبب الآلام الجسدية المستمرة بالرغم من انو ما بتعب كتير وما عندي مرض

hace 1 año
ipsychology
للاسف الكثير من المتخصصين بعلم النفس قد يخطؤون بتشخيص هالحالة ، غالباً اذا كانت الفحوصات سليمة لكن الشخص يقول انه يعاني من الالم او التعب بالجسد يقولون انه مصاب باضطراب توهم المرض .. وهذا مو دايما صحيح بل هو شي نادر اساساً ... غالباً التشخيص الصحيح هو بسبب قلة الافيونات الدماغية .. الافيونات الدماغية اهي مادة موجودة بالانسان ، تعمل على تخفيف الالم الجسدي او النفسي .. اذا قل افرازها بالجسم ممكن الانسان يحس بآلام بالجسم حتى لو الفحوصات سليمة .. وممكن يتألم من الجلوس على الكرسي او من وزن الملابس على جسمة او اي شي صغير ويكون مو عارف ان هذا اهو السبب .. هالمادة الله خلقها كحماية للانسان من هالآلام الخفية .. انزين اذا قلّت شلون نزيد افرازها ؟ نزيد افرازها عن طريق الرياضة لكن هالشي صعب .. لان الي هالمادة قليلة بجسمه يحس بألم وتعب بحيث صعب عليه انه يلعب رياضه او يحس انه ماله خلق .. لكن مجرد ما يتشجع ويتحمل شوي راح يشوف اثر الرياضة القوي لزيادة هذي الافيونات ، وبالتالي يقل التعب الجسدي والنفسي
0 1Comentario

شو سبب الحزن والمشاعر السلبية بدون سبب وبشكل مفاجئ

hace 1 año
ipsychology
اذا كانت بدون سبب وماكو شي مأذيج .. ممكن ناخذها من ناحيتين الناحية الاولى اهي الناحية الدينية: في ايات بالقرآن الكريم عن ان الذنوب قد تكون سبب بحزن القلب من الناحية الثانيه في علم النفس اذا حسيتي باكتئاب او حزن بدون سبب ممكن يكون عندج خلل بهرمون السيروتونين هرمون السعاده .. ممكن الخلل يكون بالهرمون نفسه او بالخلايا الي تفرزه او بالخلايا الي تستقبله .. او ممكن يكون خلل بهرمون الدوبامين ايضا وهو هرمون اللذة .. او ممكن بسبب قلة الافيونات الدماغية ............. غالباً الحل لهالحاله يكون من ناحيتين الناحية الاولى : تسوين فحوصات طبيه للدوبامين والسيروتونين واذا كانو ناقصين ممكن يعطونج حبوب تساعد الناحية الثانية: العلاج الغير دوائي .. الرياضة لمدة ساعه باليوم كفيلة انها تزيد افراز السيروتونين والدوبامين .. و حبوب 5HTP بجرعة ١٠٠ او ٥٠ مليجرام يومياً لمدة ٣ اسابيع .. هالحبوب تلقينها بأي صيدلية وماتحتاج وصفة طبية لانها عبارة عن عشبة تساعد الجسم على تفعيل السيروتونين لمعلومات اضافية دشي اكاونتي بالانستقرام i_psychology_ وراح تلاقين بوست عن بعنوان "التخلص من الحزن والقلق" و بوست "الطعام الذي يقلل الضغط النفسي" وبوست "علاج الضغط النفسي" ممكن يساعدونج بشكل كبير
0 1Comentario

اذا كنت تفكر في شخص بشكل كبير وتشتاق له وش يدل هذا الشي؟؟؟

hace 1 año
ipsychology
مو شرط يكون حب كلللش مو شرط. عادي مرات في ناس يعلقون بذاكرتنا مرات
0 0Comentario

ديحن انا انشاءالله ابغا ادخل تخصص علم النفس ف ابغا اعرف عنو اكثر من ناحيت المواد عن ايش في مصطلحات انجليزي و الأنماط يعني عن التخصص عامتا انشاءالله فهمتي اسألتي

hace 1 año
ipsychology
اهلاً ، الله يوفقج و ان شاءالله تدشينه بخصوص المواد طبعا يختلف من جامعه لي جامعه ، بس بشرحلج عن تخصصات علم النفس بشكل عام : - علم نفس الشخصية - علم نفس النمو : يدرس الخصائص النفسيه الي بكل مرحلة عمريه مثل المراهقه وغيره - علم النفس الاكلينيكي : العلاج والامراض النفسيه - علم النفس الارشادي : الجلسات النفسيه للحالات مثلا الطلاق وغيره - علم النفس البيولوجي والفسيولوجي: عن تأثير الهرمونات على النفسيه والعكس - علم النفس الصناعي والتنظيمي: عن كيفيه مساهمه علم النفس في زياده انتاج المصانع والشركات - علم النفس البيئي: الالوان وغيره - التوجيه المهني: شلون نساعد الناس يعرفون ميولهم ويختارون التخصص او الوظيفه الي تناسبهم - قياس الذكاء - علم النفس الصحي: كيف نجعل الاشخاص يتبعون سلوكيات صحية عن طريق تكنيكات نفسيه علم النفس الاجتماعي: لغة الجسد والإقناع وغيره وفي غيرها بعد بس هذي اكثر التخصصات الاساسية
0 0Comentario

في مواد باللغه الانجلزيه بعلم النفس

hace 1 año
ipsychology
يختلف من جامعه لي جامعه ، خصوص جامعه الكويت في ٣ مواد انجليزي اجباريه ، ثنين منهم انجليزي عادي نفس المدرسه ، ووحدة نصوص نفسية بالانجليزي
0 0Comentario

سلام انا ودي ادش علم نفس ف شلون ابي احب هل ماده على شان اقدر ادشله وابي اوصله

hace 1 año
ipsychology
عليكم السلام ، بالبدايه اقري عنه تو شوفي فيديوات عنه ، شوفي تخصصاته مثلا تخصص الشخصيه او تخصص النمو او تخصص التعلم او غيره ، هني تقدرين تقررين اذا حبيتيه او لا ، واذا حبيتيه تقدرين تدشين علمي او ادبي مايفرق اثنينهم ينقبلون بهالتخصص
0 0Comentario

هل في دورات لعلم النفس واذا في يا ليت تفيديني لانه ودي اتعلم اكثر بعلم نفس اكثر من اني اقرا بس بالنت او الكتب

hace 1 año
ipsychology
اي نعم في دورات بس اولاً ابي انبهج ، في وايد دورات عن علم النفس او الشخصيه او التنويم المغناطيسي الخ... الي يسوونها لا متخصصين بعلم النفس ولا شي واغلب معلوماتهم من قوقل لا ابحاث ولا شي فديري بالج منهم. ثانياً هذي اسامي بعض الدكاتره الي يسوون دورات حلوه و تقدرين تشوفين اعلانات الدورات بانستقرام : ١- د. سعود الغانم ٢- د. عبدالرحمن الفلاح ٣- د. كامل الفراج ٤- د. موسى المزيدي ثالثاً موقع Tadarb.com يحط دورات منوعة عن علم النفس وعن مجالات ثانيه بعد في دورات بمبلغ مالي بسيط واذا شريتيها يعطونج شهادة بعد وفي دورات مجاناً تكون بث مباشر.. هالدورات تكون ليلحين ما انعرضت يعني مثلا يحطون اعلان عن دورة تاريخ ٣٠-٥-٢٠٢٠ بعنوان القلق مثلاً الساعه الفلانيه ، فتنطرين التاريخ وتشوفينها بث مباشر مجاناً.
0 0Comentario
Ver mas respuestas
Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe