Por favor habilite Javascript para usar el sitio web
Añadir imagen
Añadir mensaje de voz
Anónimo

 Freely

سلام علیکم، انا عمری32 عام ،انا اجتزت صعوبات کثیره بحیاتی،ولاکن لی فترا احس نفسی حزینه جدا وابدا ما افرح بشی ،صایره حساسه جدا،ماعندی قدره اسامح ولا احس باحساس حب تجاه ای احد حتی اولادی،احس انو قلبی زی الثلج بارد لا احس باحساس غیر الحزن واتمنی الموت دایما،حاولت اروح نادی لحتی الریاضه تخفف من حزنی ولاکن مع الاسف الم الدیسک الی بظهری ماعطانی مجال الریاضه ،فی البیت ابد ما اقدر اعمل یوگا لانو مافی سکوت،اولادی صغار والبیت صغیر و دایم ملیان صوت ،مش عارفه کیف اتامل المستقبل زهقت من نفسی رجائا ساعدینی

hace 4 años
ipsychology
الحل المثالي اهو الرياضة لكن لما انج ماتقدرين ممكن اعطيج حلول بديلة عنها: قبل كل شي انصحج سوي تحليل دم بالمستوصف لان مرات حالات الحزن تكون بسبب نقص شي معين بالدم او هرمون معين واذا التحاليل سليمة عندج هالحلول: ١- حبوب 5HTP من الصيدلية .. يبيعونها بدون وصفه طبيه لان مالها اي اضرار ابداً .. اخذيها يوميا لمده ٣ اسابيع "جرعه ١٠٠ جرام" .. هالحبوب عباره عن اعشاب تزيد مفعول السيروتونين بالجسم (هرمون السعادة) ٢- المشي لمده نص ساعه او ساعه "اذا ما يضر في حالة الدسك" ممكن يزيد افراز السيروتونين والدوبامين لمده ٢٤ ساعه ويقلل الكوريتزول "هرمون الضغط النفسي" لمده ٢٤ ساعه ٣- الصلاة وقراءة القران ، دشي بحسابي بالانستقرام بالهايلات مكتوب الصلاة في علم النفس دشي واقري فوايدها العلمية وكيف تساعد على التخلص من الاكتئاب ٤- حاولي تلقين اهتمامات جديدة ( دورات - طبخ - قراءة- افلام او اي شي انتي تحبينه) ٥- البابونج ، الككاو المُر ، الموز ، البرتقال والحمضيات ممكن يساعدون على تخفيف الحزن ٦- التحدث مع استشاري نفسي (تخصصه دكتوراه في علم النفس الاكلينيكي وليس الطب النفسي) لان ثنينهم اسمهم طبيب نفسي ف لازم تعرفين الفرق .. ممكن يساعدج بجلسات نفسيه او ادوية
1 2Comentario

السلام عليكم، كيف بغدر اعرف اي نمط او اي انوع شخصية انا؟

hace 4 años
ipsychology
عليكم السلام ، تقدرين تعرفين نمط شخصيتج من خلال حل اختبار للشخصية ، في بعلم النفس العديد من اختبارات الشخصية الي ممكن تحلل شخصيتج ، لكن مو اي اختبار بالنت يكون فعلا صحيح ، العديد من الاختبارات تم انشاءها لمجرد التسلية عن طريق اشخاص عاديين غير متخصصين بعلم النفس (مثل الابراج او تحليل الشخصية من اللون المفضل او من الرسمة المفضلة او من الهواية وغيرها..) هذا كله غير صحيح .. في نظريات علمية ممكن تستخدمينها اذا تبين تحليل صحيح .. منها مقياس كاتل وايزنك ومنها اختبار الشخصيات الستة عشر جاسم الهارون وغيرها ..
0 0Comentario

أنا لما كنت صغيرة كنت أحب الدماء وأحب أرسم اشياء دموية و كنت عصبية ومزاجي متقلب ولحد الآن لسا أحس نفسي مزاجي متقلب بشكل كبير ومرات احس نفسي غريبة في تفسير للأمر؟وشكرا🖤

hace 4 años
ipsychology
ممكن يكون تفسير هالميول الغريبه ان وانتي طفله تشوفين رسوم متحركه يكونون ابطالها صيادين او يقتلون وتشوفين الدماء على انها شي بطولي ،، حتى لو شايفه هالشي بعمر السنه او سنتين عقلج الواعي ماراح يتذكر بس العقل اللاواعي "الجزء السفلي من الدماغ" يتذكر هالشي .. هذا ممكن يكون التفسير.
0 0Comentario

شنو الفرق بين القلق ونوبات الهلع ؟

hace 4 años
ipsychology
اضطراب القلق العام عبارة عن قلق او خوف يحدث للشخص ل٦ شهور متواصلة او اكثر و لازم يكون عند الشخص ٣ علامات من هالعلامات : ( عدم الراحة وعصبيه / الشعور السريع بالتعب/ النسيان او صعوبة التركيز/ الانفعالية / التوتر العضلي/ اضطرابات بالنوم سواء ارق او نوم مفرط) ل٦ شهور او اكثر ...... اما الهلع عبارة عن نوبات ( يعني مو متواصل ٢٤ ساعه باليوم مثل القلق) ممكن يحس فيه مرة باليوم او مرتين او مرة باليومين ،، وهو عبارة عن نوبات خوف شديد يوصل لأقصى حد خلال دقائق ولازم يكون في ٤ علامات او اكثر من هالعلامات ( خفقان شديد بالقلب - تعرق - ارتجاف - ضيق تنفس - اختناق - الم بالصدر - غثيان - دوخه او عدم ثبات - حرارة او قشعريرة - تنميل - الغربة عن الواقع - الخوف من فقدان السيطرة - الخوف من الموت).
0 0Comentario

هلا حبيبتي انا حابه ادخل ماستر بس محتاره بين علم النفس الاجتماعي والاكلينيكي ممكن توضحين الفرق بينهم وبشنو تنصحين كمستقبل حلو

hace 4 años
ipsychology
علم النفس الاجتماعي يتكلم عن اشياء بعلاقات الناس مثل الإقناع والطاعة والتأثير على الاشخاص وطبيعه العلاقات وغالباً يشتغلون بالجامعات او بالشركات كعلاقات عامة او بالعيادات ، علم النفس الاكلينيكي يتكلم عن الامراض النفسيه وكيفية علاجها مثل الفوبيا و الوسواس وغالباً يشتغلون بالمستشفيات والعيادات والجامعات .
0 0Comentario

سلام بسالك عن شي اذا كان عندك خلفيه عنه جاوبيني ستوري لاهنتي انا وحده من صحباتي تجيها حاله ضيقه تبكي بشكل مو طبعي لدرجه انها تعصب فجاءه كذا بدون اي سبب تقول انا باللحظة هذي أتمنى الموت هذا مرض ولالا؟

hace 4 años
ipsychology
ممكن يكون اكتئاب .. وممكن مجرد حركات لجذب الاهتمام .. ما اقدر احدد لاني ماشفتها شخصياً بس اذا حاسين ان الحالة صجية انصح بمراجعة دكتور نفسي ، واذا ماتبي تراجع دكتور ، الحل البديل للاكتئاب اهو الرياضة لانها ترفع هرمون السيروتونين والدوبامين و تنزل هرمون الضغط النفسي "الكورتيزول" وتزيد الافيونات بالجسم والي تعمل كمضادات للألم
0 0Comentario

انا ودي ادش علم نفس... هل الدراسة صعبة؟ وكم الراتب اول ما أتوظف بعد التخرج ؟ وشكراً،،،

hace 4 años
ipsychology
في مواد صعبه وفي مواد سهله بس الي يحب التخصص بيشوفه سهل ، بالنسبه حق الراتب يختلف من وزارة لي وزارة
0 0Comentario

هل فعلاً تخصص علم النفس ماله مستقبل وظيفي ممتاز كما يشاع؟

hace 4 años
ipsychology
كمستقبل وظيفي لتخصص علم النفس ، له مجال ابداعي كبير تقدرين تبعدين فيه جداً لانه يدخل باكثر من مجال وممكن يخص الطلبة او الاطفال او كبار السن او الايتام او الموظفين او الناس بشكل عام او السياسة او الادوية يعني فروعه متعدده تقدرين تشتغلين بأي مجال او فرع تحبينه ، بس للاسف مافي مجال كبير للترقية الا اذا كملتي دراسات عليا ،، يعني كمستقبل مادي و راتب شوي بيكون ضعيف ، بس كشغل وابداع بالعكس قوي جدا
0 0Comentario

انا في شي مسبب لي توتر و حزننن اليوم جيت واقرا و تغير صوتي وجتني الصيحه وش العلاج مع اني اخاف من النضرات

hace 4 años
ipsychology
هلا حبيبتي ، يعتمد على الشي الي مسويلج التوتر والحزن ، وهل اهو الي مسبب لج الخوف من النظرات؟
0 2Comentario

السلام عليكم ، اتمنى تساعديني وتعطيني رايك تجاه مشكلتي انا كنت منعزلههه مرا و الحين صرت اطلع بس نضرات الناس تخوفني وبديت احاول اسولف وكذا و صرت اسولف بس احس شوي وببكي وانا بنص السابقه يعني حصل مرا. بكيت عند ناس بس الحين حتى مع اهلي احس اني شوي وأبكي ببعض الحالات وامس كنت أقرأ قران وصوتية تغير وشوي وابكييي والكل لاحظ واحس احيانا. بالحزن

hace 4 años
ipsychology
عليكم السلام ، هذا الي يصير امر طبيعي جداً لا تخافين ، هذا صار بسبب انعزالج السابق عن الناس .. الحل اهو اولاً تغيير الافكار (من بعد التوكل على الله طبعاً) غيري افكارج عن الناس انهم مايخوفون وان الكلام معاهم ماخوف .. حتى لو حسيتي هالشي صعب ،، بعدين ابتدي بالتدريج .. بحيث اول شي كلمي الناس الي تعرفينهم بمواقع التواصل الاجتماعي فقط ، كلميهم چات يعني بس كتابة ، هالشي كبداية يعطيج فرصة تفكرين بالكلام الي بتقولينه قبل لا تكتبينه، ويعطيج فرصه تتعودين على التفاعل الاجتماعي ، و ايضا يعطيج فرصة تتعلمين طريقة الردود والكلام والسوالف الي يقولونها الناس فتقدرين تصنعين لج اسلوب عقب ماتتعلمين هالاشياء ، طبعا تستمرين على هالشي عدة اشهر الى ان تحسين نفسج جاهزة .. وخلال هالفترة مو معناته تنعزلين بالواقع وتتواصلين بالكتابه فقط ، لا عادي خلي تواصلج بالواقع خفيف ، طلعي تكلمي مع الناس بس اذا حسيتي انج خفتي خلاص انسحبي لا تغصبين نفسج .... الخطوة التالية تنتقلين لمرحلة الكلام بالتلفون .. دقي على البنات الي تكلمينهم چات كلميهم بالتلفون .. وقتها تكونين متعودة عليهم وعلى سوالفهم ومتعودة تسولفين مع الناس .. ممكن تتوترين بالبداية بس بعدين تتعودين اكثر على الكلام بالتلفون .. وبعدين انتقلي حق مرحلة الكلام والسوالف بالواقع .. دخلي نوادي رياضية مثلا .. او نوادي قراءة .. يعني دخلي مكان ما تكونين فيه انتي محط الانظار كلكم تسوون نفس الشي .. ووقتها راح تشوفين ان نظرات الناس لج مثل نظرات الناس لغيرج لان كلكم قاعدين تسوون نفس الشي .. وقتها يخف خوفج من نظراتهم ان شاءالله .. بعد هالمرحلة غصبي نفسج شوي انج تختلطين بالناس وتسولفين معاهم .. وراح تكونين تمام ان شاءالله
0 2Comentario
Ver mas respuestas
Freely
Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Gustos
  • Informe
  • Informe