ممكن تفيديني أو متابعؤنك يفيدوني في أمري .. أنا منقطعة عن البحث من ٥ شهور ما مسكت في البحث حرف واحد 😭 لابتوبي خرب وبعد شهرين جبت جهاز ثاني مختلف عنه تماما )حسب مقدرتي(.. وانسدت نفسي بسبب تغير الجهاز وبالتالي تغير البرامج والخلقية وكلشي.. عارفة شعور اللي من وين ابدأ وايش اسوي.. عندي بيبي وأطفال صغار وجالسة اشغل نفسي بهم بزيادة كأنه هروب.. كل يوم تطرأ أشغال جديدة وأنهمك فيها ويجي الليل وانا ما شفت البحث أصلا.. يبغالي تنصيب وورد وتحميل برامج العقيل وفتح المسودات الورقية وترتيب ملفاتي القديمة اللي كانت في اللابتوب الخربان.. مرررة متعاجزة أسوي ذي الاشغال لأني ما اطيقها أصلا استغفر الله ولازم ابدأ فيها عشان اقدر اكتب البحث بشكل صحيح.. دعواتكم ونصائحكم.. جزاكم الله خيرا

قولي: بسم الله، قولي: اللهم إني أعوذ بك من العجز والكسل، اليوم اليوم احملي جهازك وعلى أقرب محل يعمل لك تنصيب للورد ولأي برنامج تحتاجيه، حتى مايكون عندك عذر، إنك ماقدرتي وتكسلتي وووالخ.. وعبال مايرجع جهازك جهزي أوراقك وجهزي مكانك..وبعدها اجبري نفسك جبراً، مافي شيء اسمه مالي نفس، أتهرب، مو قادرة، لا لا، هذه كلها أعذار واهية وماراح تفيدك لما تنتهي مدتك وتجلسي تولولي، وياليت وما ياليت، الوقت يمشي سريع، والبحث يحتاج له وقت، ابدئي تدريجياً، ساعتين في اليوم وبعدها ٣ وبعدها ٤ وبعدها ٥ ولو تثبتي عليها ٥ ساعات مركزة فإنت في خير عظيم.. ترى النفس إذا دلعتيها واعطيتيها جوها في الكسل، راح تدلع عليك وتكسل زيادة، لكن لما توريها العين الحمراء، وتجبريها بعدها بتمشي معاك سيدة، وتصير هي المعين لك في الإنجاز، شدي حيلك، نبغى نسمع أخبار حلوة عنك💪🏻