انت دارس دراسة ولا هواية 🤷🏼‍♂️

طبعاً دراسة الامور بلشت من وانا شغال عند الوالد الله يحفظه من وانا صغير صغير يعني امي ابو 5 سنين وانا في كل عطلي مع ابوي اجري على اجره هس طبعا ابوي ما بده اياني في الشغل ف بلشو اهلي يحكولي ادرس ادرس ادرس طيب يا اخي انا مش تاع دراسة وعقليتي كلها مبنية على ل الشغل العملي وهذا يا سيدي العزيز ضليت مشي مع اهلي لحد ما خلصت توجيهي وجبت معدل بحدود 75 هذا اهلي قالولي اه ليث شو بدك تدرس فقلتلهم شو يعني دراسة؟؟😂😂 ابوي عصب وزعل ما الك في الطويلة رحت بلشت ادخل دورات ومعاهد اساسيات طهي لحد ما فتت دورة طاهي محترف وخلصتها الحمد الله بمعدل 75 مش عارف شو قصتي مع ال75 😂🌚وهيا ان شاء الله مسجل دورة طهي معاصر وان شاء الله رح شد حالي فيها واجيب المركز الاول وبس ?😂😂