علاج الاحساس بالوحدة دائما ؟

لازم نعرف الاول أن سبب الشعور بالوحدة أصله كره النفس وده بيجو من ضعف الثقة بالنفس نتيجة اسباب خارجية زى أن حد يقولى انا شكلى وحش فأقول مش عادى خد بشكلى وانعزل الحل ١- التعرف على النفس اكثر وحبها زى ما هى الإنسان ربنا كرمه وأمر الملائكة تسجدله ٢- اتعلم انك تنتقض افعالك مش شخصك بدل ما تقول انا غلط قول انا تصرفى غلط بالتالى هتقدر تصلح من تصرفك ده وتتعلم ازاى تتجنب الوقوع فى الخطا ولو وقعت هتتعلم ازاى تتداركه ٣- متسمعش كلام حد استمتع بحياتك ورحلتك زى ما تحب سافر العب أجرى اتنطط اتعلم اقوى مارس هوايات اعمل اى شئ غيرك مش عارف يعمله مارس شئ جديد حتى لو حاسس أنه مش مناسب ليك زى رياضة الدفاع عن النفس ٤- دور عن الناس اللى شبهك لان الوحدة مرض العباقرة لأنهم بيحسوا أن اللى حواليهم مش فاهمينه بالتالى ابحث اكثر عن اللى شبهك هتلاقيهم برضه بيعانوا من الوحدة غالبا ٥- حط أهداف ليك تخص يومك مثلا النهاردة هلعب رياضة وهذاكر وهنام وهشتغل وهخرج وكل ما تخلص حاجة اشطبها من مذكرتك هتحس بالانجاز