Anonymous question

اولاً الشخص دا  غالباً انه فاهم الدنياغلط، بما انه بالشكل دا وبيسمي ان دا كدب احب اوضحلك حاجه العادي اني بعمل ذنوب لأني أنسان مش ملاك ولو اننا مش بنعمل ذنوب ربنا كان مخلقناش وكان جاب خلق تاني يذنبون فيتوبون فيتوب الله عليهم، لقول رسول الله صلي الله عليه وسلم ( والذي نفسي بيده لو لم تذنبوا لذهب الله بكم ولجاء بقوم غيركم يذنبون فيستغفرون الله فيغفر لهم ) رواه الإمام مسلم رضي الله عنه في صحيحه. وان كنت انا بعمل ذنب وانصح غيري مش يعمله فأنا إنسان كويس وبنصح غيري ميغلطش غلطتي وبالنسبة للناس ان انا ابينلهم ان انا انسان كويس فدي مش حاجه وحشه ولا خداع واني انصح غيري دي حاجه حلوه ومش خداع، وفي الاول والأخر انا اعامل ربنا ومش ليا دعوة بالناس ولنفترض ان انا عملت ذنب، اكيد مش هروح اقول للناس انا عملت ذنب، اذا بُليتم فأستتروا. وفي الاول والأخر دي حاجه بيني وبين ربنا انت مش هتدخل جوايا وهتعرف نيتي، فبلاش نظن بالناس ظن سيئ، ان بعض الظن إثم. ‏وربما عندما انصح شخص بحاجه يمكن انا مش بعمل بيها بس النصيحة تأثر ف الشخص دا ويتبدل للأحسن، ودا يبقا في ميزان حسناتي. وكدا انا مش منافق انا احاول اجاهد نفسي على قدر استطاعتي لأني (إنسان) يعني أُخطيئ وأصيب. واني افيد غيري دي حاجه جميله. ثانياً - نصيحة للشخص دا، عامل ربنا في اي حاجه بتعملها وسيبك من الناس، ولا تظن بالناس ظن سيئ، وأتمنى إن يكون كلامي ترك أثر مفيد لك وأتمنى أنك تعتذر من صاحبة القناة وتطلب أنها تسامحك لأن ظلم الناس وحش حتى ولو بالكلام. ربنا يهديك ويهدينا.