اعرف بيحبني ازاي ولا بيتسلي بيا انصحني

فرق كبير بين حد بيحبّك بجد وحد بيمثّل عليك الحُب بالنسبة للى بيحبّك عارف كويس جداً إنه لو خِسرك مش هيعرف يعوّضك فَـ مابيحاولش يعمل ده واثق إنه لو كرر نفس أخطائه معاك هيقلّ من نظر قلبك فَـ بيبذل أقصى جهده إنه ما يكررهاش لو بيخدع الدنيا كلّها بيجي لحد عندك و يفرمل ما بيعرفش يتفلسف قُدّامك ولا يحللّ مواقفك هو قابلك زي ما انتي ده كمان بيعيش عشان يرضيكِ بكل الُطرق بيفهم فيكِ حاجات انتي ذات نفسك مابتفهمهاش ولا بتشوفيها بمعني أصحّ بيتلفت لتفاصيل التفاصيل اللي ماتجيش على بال حد حاسس بيكِ بمعنى الكلمة في الشِدّة سند وفي الوِحدة ونيس وفي الغربة وطن ليكِ محبّته ليكِ مش مُجرّد كلام معسول محبّته أفعال أكتر من الكلام يخاف لو قصّر ڤي حقّك يقلّ رصيد إهتمامك وحُبك ليه فبيحاول بأقصى ما عنده يقوم بكلّ واجباته تجاهك من غير ما انتِ تطلب ده منه غير مجهد نفسياً أو عصبياً غير مهلك ذهنياً بيعرف يجدد فيكِ الحياة مابيقتلهاش بيعرف يبني فيكِ مابيهدمش بيجتهد في الحِفاظ عليكِ لأنّه مؤمن إن الحُب مجهود مش مُجرّد تصرّفات بتجمعكم الإرتباط بالنسبة له مُقدّس بيعرف يتوّحد فيكِ إزاي😁😉 بالنسبة للى اللي بيمثل إنه بيحبك مش محتاج يبذل أي مجهود في علاقته بيكِ لأنّه عارف إنه وجوده معاكي مؤقت فبيداري خيبته بالنفاق طول الوقت نفاق الإهتمام اللي هو عامل نفسه بيهتم وتبقى معاه طول الوقت بعقلك و قلبك وهو مُجرد مُتلقّي و لما تحتاج له بيكون أبعد الناس عنك ده واطي🤣😂 ما بيحسشّ باللي بيوجعك إلا في حالة لو شكيتي له تعبكِ غير كده فهو أصمّ وأبكم مش انعدام شعور على قد ما هو تبلّد عاطفي لأنه مش بيحمل لكِ إي عاطفة حقيقية مش شغلاه تفاصيلك لأنه من الأساس هو بيجهل إهتماماتك و أهوائكِ و ميولكِ ماعندوش استعداد يجهد نفسه ويعرفها لأنّه ببساطة بايع القضيّة وشايفك لُقطة حد كيوت بيعرف يحب ويتحب الوقت معاكِ لذيذ مش أكتر ولا اقل فاشل جداً في أي إختبارات للحُب مُزيّف مُتصنّع مُراوغ أناني من الدرجة الأولى الراجله ماتت في الحرب يابنتي 🤣🤣🤣🤣🤣😂🤣🤣😂 يعني الموضوع بسيط ميّز بين اللى بيحبّك فعلاً واللى مستعد يقضّي عمره كله في إنتظارك وبين اللّي مش فارق معاه حضورك من غيابك في كتير بيعرف يحبّ و كتير بيعرف يعيّشكِ لحظات حلوة بس مؤقتة مش دايمه لكن مش كتير اللي بيعرف يكون مسئول قُدام الحب ولا جدير بكده ولا يستحق حتى يسمع منّك كلمة بحبك نصيحة غلي نفسك ما ترخصهاش انتِ مش حقل تجارب انتِ حقل ألغام🤣😂 بهزر معاكِ ربنا يعوضك ويجبر بخاطرك وأبقي اعزميني علي فرحگِ لا تنسي 😉