بخسر كل فترة قليلة حد جديد من صحابي و حقيقي مببقاش عارفة مين فينا الغلطان بس انا دائما بدي اللي قدامي كل الحب اللي عندي و بعدين يبعدو و دائرة صحابي قلت جدا و بتقل بشكل مستمر و معتش عارفة اثق في حد انو يبقى صاحبي

فيه جملة اتقالتلي من فترة وهي " ان الشئ ان زاد عن حده بيتقلب ضده " كنت عارفه الجملة من زمان جدا بس الموقف اللي حصلت فيه خلاني ابصلها من منظور تاني خالص ، وهو فعلا ان كل حاجه ف الوسط بتكون مريحة جدا وهاديه ، متديش اكتر ما تاخدي والعكس ، حبي اصحابك بس متحبهمش لدرجة انك ديما اللي تدي الحب ومفيش مقابل لده ، ويمكن سبب م الاسباب اللي خليتهم يكونوا كده " ضمان وجودك " هنبعد ونرجع هنلاقيها او يمكن " وعسي ان تحبوا شيئا وهو شر لكم " مش يمكن دول مش مناسبين انهم يكونوا في حياتك يمكن مش دي الصداقه اللي ربنا عايزك تبقي عليها ؟ واخر توقع ، ليه مقعدتيش مع نفسك وشوفتي ايه الطريقه اللي بتتعاملي بيها ، هل فيه قمص طول الوقت ، هل فيه تضييق مساحات ومفيش حد فيكوا بيكون عنده مساحته الشخصية ، فيه غيره زياده ؟ اقعدي مع نفسك وراجعي حساباتك شويه وبصيلها من كل الجوانب ، موضوع الثقه ف نفسك اوعي تخليها تتهز ابدا دي اللي هتخليكي واقفه علي ارض ثابته مهما حصل ، وموضوع الثقة ف الناس خلي فيه حدود لحد ما تعرفي الشخص بالمواقف والسنين وقتها ابدأي حطي ثقتك ♥️