ابغى حل للغربه الدينيه اللي انا عايشه فيها عايشه بأطهر بقعه في الارض وبين افضل عائله واحبهم جدًا بس للأسف بعيدين كل البعد عن الدين والله مافيه شيء يكسر الخاطر والقلب كثر لما تشوفين اهلك يسوون كل الذنوب وانتي مالك كلمه عليهم والله شيء يحزن احبهم ما اقدر افارقهم بس من كثر مانصحتهم احسهم بيكرهوني💔 ما اقدر اقول كل شيء بس لما تشوفين حتى كبائر الذنوب والاشياء اللي ضد الفطره يسوونها بدون خوف وخجل من ربي انا وش ممكن اسوي اخاف عليهم من عذاب ربي واخاف ربي يحاسبني لأني ماسويت شيء💔

الله المستعان الله المستعان 💔💔 الله يجبر قلبك الطيب الرقيق الشفاف وييسر امرك ويكتب اجرك ويثبتك ويشرح صدرك بهديتهم عاجلاً ..أهنيك عَلى هذا الحب العظيم لأهلك وخوفك عليهم ..وان يضيع الله هذا الخوف وهذا الحب لهم بإذن الله ..إلا بما يرضيك .. أولاً : الدعاء ثم الدعاء ثم الدعاء لا تنفكي ابدا عنه .. ثانياً :النصيحة لا تنقطعيها أبداً ... ثالثاً : اعملي على التأثير على ا لأسس همًا الوالدين ..والاخت الكبرى ..لابأس أن تخبريهم بحبك واشفاقك عليهم ولا بأس أن يرو دموعك وإشفاقك عليهم !! ولربما كان سبب للين قلوبهم ... ثالثاً : اقتنصي الفرص ...والاحداث ... الموت ..ذكريهم به ..كيف سيلقون الله .. رمضـــان ..على الابواب ..وهكذا .. رابعاً : لو لك جده او جد او اعمام كبار فلتحاولي التأثير عليهم عن طريقهم .. القروبات العائليه لا تنقطع عن المواعظ والكلمات والمقاطع النافعه ..رب كلمة !! وأخيرا ؛ لا تيأسي لعلك باب نجاة كبير لاهلك وسبب لهدايتهم ..وتوبتهم ..وسعادتهم .. ولربك فاصبر ..وتذكري كم لقى نبيك ﷺ .. وانت في جهاد ..ثبتك الله ونصرك للحق وهداهم اليه ..وسترين بإذن الله تغيرين شاسعاً قريباً ..'وسيهديهم الله ويردهم رداً جميلا .. ويكتب اجرك ياطيبة ياحنونه ❤️❤️❤️🤲🏻 واتمنى من الجميع الدعاء لك