Anonymous question

بجاوب عن السؤال اللي انحذف ،طبعًا أكيد ما تقصدين التمادي من الكلام الغير لائق اللي يحصل من بعض المراهقين اللي يتواصلون عبثًا ولهوًا نبدأ ؛ اولا لازم ان كل من الطرفين يعرف ان التواصل مع الآخر لغرض لمهمة مو عبث وهذه مهمة جدًا . ثانيًا ان التواصل يحدد له وقته يعني ما يصير يتواصل واحد منهم آخر الليل أو في أي ساعة من اليوم؛ لأن هذا الشيء راح يخلي الرسمية تقل واذا قلت حصل الميل والإحساس بالقرب. ثالثًا أرى ان الالتزام باللغة الفصحى الرسمية له فائدة جدًا كبيرة فما يصير الغشمرة والهبال والمزح وان كان مخلوطًا بشيء من العلم أو حتى الكلام بعفوية جدًا رابعًا ما يفكرون بالمآل أو يجيبون طاري أي أمر خاص يعني ماما بابا أم العيال صاحباتي هذه أمور لا داعي لها ولو كان فيه انشغال يشار انه في ظروف أو انشغال عائلي وانتهى خامسًا لو حصل تمادي من أحد الطرفين يتم تجاهله ولو تكرر ينبّه بأدب ؛ ولحد يقول ان هذا دكتوري ( لو كان هكذا ) لأنه هذا أمر شرعي واغضابك له في وقت متقدم يكسبك الاحترام بدلًا من سماحك له خاصة انه ممكن يصير الموضوع غير متقبل والرفض في مراحل متأخرة سيء جدًا وله تأثير أسوأ فسدوا الطريق من بدايته. سادسًا حتى المناسبات الشرعية كالعيدين وما الى ذلك لا داعي للمباركات ولو نزلتِ حالة من السهل استثناء من تريدين. الأمور كثيرة والكل أدرى بما يحتاج لكن المهم ان الرسمية والعلاقة الوظيفية تكون هي الأساس والشخصية الرسمية هي الخلفية والأهم الأهم وهو الدافع لفعل كل هذا هو خشية الله والخوف منه.