امي وابوي يحبون صبحتي معهم في الطلعات وهذه الفترة عرضوا علي اطلع معهم لمدة قصيرة نسافر واحترت وأنا ودي استغل الاجازة في أني انجز اكثر رايك مرة ضايق خاطري عليهم ولا أعرف وش اسوي يضيق صدري مرة اذا انضغطت ولا قدرت اطلع معهم وهم نفس اطلع معهم كيف اوازن بين شغلي في الرسالة وبين اكون معهم

توفيقك بعد الله مرتبط بوالدك ووالدتك، ومادام هي فترة قصيرة، وفي نفس الوقت يحبوا صُحبتك ومرافقتك لهم فأنا أشوفها فرصة تروحي معاهم، منها ترضيهم وتبري فيهم، ومنها تغيري جو شويتين وترجعي بنفس مفتوحة، ودعوات مصحوبة بحول الله، ماتدري حجم فرحتهم بسفرك معاهم، وفرحتهم هذه بالدنيا كلها، مانقدم عليها لا بحث ولا شيء آخر، وأصلاً لو ما رافقتيهم بتجلسي تلومي وقتك طول الوقت، ومن قلقك يمكن إنجازك ماراح يكون بالحجم المطلوب، استخيري وتوكلي، ربي يسهل دربك✨🤍