وش اخس موقف واجهتيه لك شخصياً ؟

هو أكيد في مواقف لابد تمر على الإنسان، لكن الموقف اللي حاضرني الآن هو إنه كان يا ما كان قبل بضع سنوات عزومة خاصة للوالد وأصر الداعي على حضور جميع أفراد العائلة وكنت شخصيًا لا أريد الذهاب لكن طبعا مو بكيفي والوالد قال لازم كلنا نروح عيب وكذا، المهم وانا لي سنوات ما شفتهم ووقتها كان عندي تعلق شديد بباكستان وكانت النية- اللي لا أتخلى عنها أبداً مهما أبدا لي الناس من سُخرية- إني أدرس سياسة وأصير رئيسة باكستان-الأصدقاء الأوائل يعرفون عني هذا- وأزبط من وضع باكستان وخصوصا أنها بلاد تمتلك سلاح نووي لكن عندها مشكلة في طول البلاد وعرضها وهي الكهرباء وكان الوالد يخبرني ان الفساد منتشر جداً فكنت أفكر في القضاء على الفساد والمفسدين وكنت أضع خطط مراقبة لذلك😭😂 رحنا عندهم وسوالف وكذا إلى أن أصبح محور الحديث سارة وأفكار سارة وما تطمح إليه سارة ونوعًا ما كنت ألاقي استنكار من جوانب عدة ولما كانت هذه عامة السوالف كنت أتحاشاها بأن كان لديهم بنتين قلت خليني أروح ألعب معاهم أحسن لي🙃 المهم وأخذوني جولة في البيت بعدين قالوا هنا ازعاج وكذا خلينا نروح غرفة لحالنا طبعا انا ما اعرف البيت ومع الخيل يا شقرا ورحنا غرفة وقعدنا، دقايق وأسمع الباب يُفتح وصوت رجولي من ورائه (ما شاء الله ما شاء الله....)🤦🏻‍♀️ وأنا أسوأ شيء يمر علي هو اللي يكون كذا وما أعرف أتصرف فيه أبداً، زيي زي الصنم دقيقة بالنسبة لي كانت ساعة حسيت بيغمى علي، المشكلة مو هنا المشكلة أقول في نفسي الحين يروح خلاص مو راضي يروح🥺 ولا أخواته يشيرون عليه بذلك وانا مو قادرة أهمس حتى إلى أن جاء الفرج وأمه من ورائه يا ولد اطلع الله يهديك وهو يرد صغيرة صغيرة 😐 يا ولد اطلع ويناقش كمان !! قال صغيرة قال وأخذته من يده وطلعته، ورجعت الغرفة وأنا وجهي صار ألوان والبنات يطالعون فيني بنظرات ويطقطقون💔 قلت يلا خير لا من شاف ولا من درى. بعدها بفترة بالصدفة سمعت أختي تخاطب أمي: فلانة تقول لو يسمح بزواج العسكري من غير السعودية لكنت زوجت ولدي وارتحت، انا: الحمدلله إنه ما يُسمح ولا كيييف الشعب الباكستاني بيرضى انه رئيستهم تتزوج من غير أبناء البلد!! 😂😂😂💔 وعلمت أنهم علموا بالموقف🙃 وانتبهوا انتبهوا تحطوا نفسكم في موقف غبي زي كذا 💔 بالمناسبة أخونا هذا تزوج صار له كم يوم، الله يوفقه ويبارك لهما ويجمع بينهما على خير :)