بصراحة ودي القدر يجمعني بك صدفة في سيارة وأكون سائق أوبر ، متحمس أشوف الآكشن اللي بيصير ثم ردة فعلك اذا علمتك إني صديق باثي ثم اشوف حلطمتك وتأنيب الضمير اللي بيجبك بالليل 😂😂

ترى ما بيصير شيء وش بك ماخذ فكرة إني أطلع سيارات أوبر بالمشعاب. كنت أزعل بسبب الدخان وأقولهم إنه ممنوع وصار وتخاصمت مرة مع واحد لأن ريحة سيارته دخان وما يخليني أفتح القزاز يقول ما يبغى يشم ريحة دخان. ونزلت في الشارع واشتكيته. أو واحد يبغى يسولف وطنشت ما رديت ويسأل عن المباراة وما رديت وصرخ فيني انا أكلمك ترى. قلت وأنا ما أبغى أرد... وثالث لنفس السبب كل ما كلمني قلت امش ع اللوكيشن. عصب وقال مو عاجبك المشوار انزلي يا الله. مدري ليه منتظر يعجبني المشوار كأننا طالعين كشتة مو رايحين وجهة معينة. والندم عادة بسبب الشكوى ما أحب أشتكيهم أخاف يفصلونهم ويتأثر دخلهم... وهذا الشيء يقطع قلبي بالذات مع كريم... لأنه شركة كريم يتصلون يعتذرون ويقولون لك إنهم اتخذوا إجراء مع السائق. بس أوبر أشتكي عشرين ألف مرة ولا همهم... وعموما أطلع في اليوم الواحد أقل شيء مع أربع كباتن والتجارب الغالبة جيدة... فممكن نفس الشيء يصير معك يعني هههه وما يؤنبني ضميري.