Anonymous question
السالفة اني عارفه ومتاكده انها ماتبيني وحاطتني زيادة عدد لكن مدري شقولك هي اخت لي يعني مدري بس احبها من كل قلب وحتى وانا اكتب لك السالفة متضايقه لاني يعني شرايك باللي يزعلونا ويزعلون لما ينقلب عليهم الأسلوب يعني هي تسحب علي طول يومها تجي لحظه وتروح تقول هلا وارد ع أساس اني بكلمها بس يومها كله تكلمهم وماتكلمني واوعدتني انها بتصلح غلطتها لانها خذلتني وكل مره كذا لكن هالمره وثقت والحين قالت ماشفتي صدق اللي تركتهم رديت ولا ابي اشوفهم قالت اوك مع السلامة والله يوفقك انقهرت طيب مو لازم اشوف احبابها ولا اعدائها تهمني هي يعني شي كبير لي مدري شقول المهم انه مو مشكله ماتكلمني بس تخليني جنبها يعني مدري هذا الموضوع اللي ابي أقوله لك هي تركتني هي اصلا اللي اشعلت النار وجايه تشتكي منها وادري بتقولين انه شدخلك اني جايه اقولك بس لانه احسك كذا يعني مدري انسانه لطيفه تتعامل صدق بالذكاء العاطفي لو انتي مكاني صدق وش بتسوين؟
ماودي اقيس الموضوع على نفسي لان يختلف من شخص لاخر لكن من وجهة نظري "اللي مايشوفني بعين وحدة ماشوفه بالثنتين" انتي حبيتي بصدق لكن مالقيتي لمشاعرك تقدير وانا اشوف ان فيه حسابات بالعلاقة اعمق من الحب مثل التقدير والاهتمام بدون طلب والتمسك وان الشخص يحسسك انك من اولى اولوياته هنا نقدر نقول ان فيه محبة صادقة بين الطرفين ، اللي اتضح لي انها مخليتك اخر الاولويات وانك الوحيدة اللي تبذل الجهد بهالعلاقة فاللي مفروض تسوينه انك تعاملينها بالمثل وما اعتقد هالشي يزعل ، لان الاهتمام ماينطلب واذا انطلب الشي تنفقد قيمته يا انها تبادر وتعطي من قلبها ومن محبة يابلاها من علاقة.