انا شوفت ردك ع موضوع صحبتي بس ي يمني عارفه لما تحسي ان شخص ربنا عوضك عن كل الل حصلك ف حياتك بيه هي كانت كده لعلمك انا ٢١ سنه مش صغيره يعني بس اتعلقت بيها وانا فعلا دايرة صحابي كانت كبيره اوي اوي بس اتعلقت بيها لدرجه قننت وخصصت كل حاجه ليها ودلوقتي بفكر انه هل لو عادي تجاوزت المووضع ده وانا رجعت لحياتي دي كده مش هتبقي بدايه خسرانا لجزء من علاقتنا انا فعلا حبيتها بمشاعر طفوليه جدا زي ماقولتي

اسمحيلي بعد الرسالة دي انبهك لأمر خطير : ستوب لحياتك شوية وانتبهي عقلك أصغر من سنك اعتبري دي رسالة تنبيه، تحذير، انذار، سارينة في جميع الاحوال ارجوكي متطنشيهاش قياسك للامور خطأ، نظرتك للأمور خطأ، حكمك ع الأمور خطأ أولًا : مفيش حاجة اسمها شخص يجي يعوضك عن كل حاجة فأوحد عليه الدنيا والكون يلف حواليه ارجوكي مليش الطريقة دي بسببها هتدمري كتير ثانيًا وجود اشخاص تانية ف حياة كل طرف وتعاملات ومسافات اقسم بالله هو سبب نجاح العلاقات مش خسارتها فأرجوكي عيشي حياتك انتي كمان واخلقي دايرة معارف غير صاحبتك ليه معندكوش فكرة ان عادي انا عندي معارف وشلة واتنبن وتلاتة وناس صحابي ف بلدي وناس صحاب ع النت وناس صحاب خروجات وفيه بقى صاحبة او اتنين دول ف العمق اوي، دول الل ممكن الانسان يفضفص معاهم بأدق التفاصيل ويكون قدامهم غير قدام الكل ليه عشان بكون ليا صاحبة ارمي كل الناس برا حياتي ليه لما ارتبط بحد ارمي برضه كل الناس برا حياتي وبعد كده بنقعد نعيط اننا لوحدنا، ليه عشان ف حياتي حد غالي ومهم يبقى ارمي كل الناس التانية.. يا جماعة ربنا الحمدلله ادانا المقدرة الل نكون بيها علاقاااات كتير مش علاقة واحدة احنا مش عندنا توحّد يعني بعيدًا عن الكلام دا برضه ياريت تقفي مع نفسك وتفكري ف التحذير الل قولتهولك فوق