حب النفس يعني اهتم بنفسي (الجسم .العقل.عاطفيا.اجتماعيا .ماليا ) ازاي احققهم

حب النفس بيجي مبدئيًا من الثقة بالنفس، والثقة بالنفس بتيجي من الرضا ع النفس والرضا ع النفس بيجي من تلت حاجات " علاقتك بربنا، ومن نجاحك، ومن الناس" يعني guess what ! أكيد مش هنلاقي شخص فاشل ف عدة جوانب من حياته وواثق من نفسه ، وإلا ساعتها مبتكونش ثقة بتكون وهم، عايش ف الوهم، سفينته بتغرق من كل الجوانب وهو مصمم ومقتنع انه هيعدي بيها المحيط ويوصل للبر كل مالانسان بيدخل ف اختبار وينجح فيه بيثق اكتر ف نفسه ودا ممكن نطبقها ع الاختبارات الدراسية كل ما هتنجحي ف اختبار مادة هتثقي ف مذاكرتك فيها وشطارتك فيها وكل ما هتفشلي ف مادة هتتهز ثقتك ف مذاكرتك فيها وشطارتك فيها، ودا بالظبط مع اختبارات الحياة الكبيرة، عشان كده مهم ان الانسان يغامر ويجرب ويخش اختبارات عشان يتعلم يقوي ينجح فيثق ف نفسه فيحبها، لأنه بالفطرة صعب يحب نفسه وهي فاشلة ومش قادرة تساعده ف اي حاجة بنحب جسمنا : لما بنؤمن تمامًا ان كل خلق الله ف احسن تقويم، ومش عيب لو تخينة ومش عاجبك شكلك تخسي، ومش عيب لو رفيعة تتخني، دا مش عيب وكمان مش مستحيل، الل مش عاجبك ف نفسك تقدري تغيريه أيًا كان وخصوصا الامور المادية زي وزنك وشعرك مثلًا العقل : مش عاجبنا عقلنا " هو كان كل كلامنا ع النجاح فوق، طوري من عقلك باستمرار خبرات وتجارب وقراءة.. ثقفيه بكل الطرق، خليه ينمو وينضج.. بلاش تخلي عقلك وانتي عندك ١٥ سنة هو نفسه وانتي عندك ٢٥ لان دي كارثة بكل المقاييس، ويمكن اغلب بنات اليومين دول عندهم الازمة دي عشان كده تلاقيها عندها ٢٥ سنة ومش قادرة تختار او بتقع ف غلطات بنت مراهقة عندها ١٨ سنة اجتماعيا : هتلاقيها ظبطت لوحدها لما تظبطي نفسك انجحوا يا جماعة والنجاح مقصدش بيه انك تطلع القمر ولا انك تكون عالم ذرة، أبسط الامور ف حياتنا لو نفذناها تعتبر نجاح، انجحوا عشان تثقوا ف نفسكم فتحبوها، انجحوا ف الدراسة، ف الشغل، ف موهبتك، ف تفاصيلك الصغيرة جدًا، ف علاقتك بربنا، ف تحدي بسيط تعمله بينك وبين نفسك نجاحك فيه هيديك باور انك تقدر.. تقدر ع تحدي اكبر ثم اكبر وهكذا والناس.. اااااه عارفة ان الناس ليها عامل ف حب نفسك وثقتك فيها، عارفة ان كلام الناس بيهد احيانًا، بس معاك ٣ كفوف ميزان لو كفتين رجحوا هيلغوا تأثير الكفة التالتة.