ايه رايك الواحد معندوش حافز انه يحقق هدفه .انه يحط نفسه مع الناس اللي عاوزة تحقق نفس الهدف ويبقى ند ليهم يشوف بيعملوا ايه ويتحدى نفسه علشان يحققه هو شبه المقارنة .دا احسن من انه يفضل ما يعملش حاجة .والا ليه عواقب سيئة. وايه الافضل من وجهة نظرك .النية مش ازعل ع اللي مش عندي النية اني اتحرك من مكاني

هقولك حاجة بعيدًا عن المقارنة والند والجو دا : الحياة قاسية جدًا، جبّارة، أسد شرس وحاطة الفرص بين أنيابها، والل مش هيعرف يخطف فرصته من بين أنيابها ميستناش انها تقوله اتفضل، والنية.. النية دي مجرد حاجة بتخلص بيها أعمالك انها تكون لوجه الله لكن أعمالك نفسها هي الل هتحققلك الل انت عايزه، مش نيتك، احنا كتير أكتر ماانت تتخيل حاطين عنينا ع نفس الهدف، وكلنا نيتنا إننا نحصل عليه.. مين بقى هياخده ! الل هيعمل ما يستحق انه ياخده، والعمل دا هو السعي بكل مجهودك، بكل الامكانيات الل عندك، بكل طاقتك، برضه مش بنيتك، وانت ممكن تعمل كل دا وانت ف حالك بدون مقارنة او منافسة.. صوّب نظرك ع فرصتك وانطلق ناحيته من غير ما تبص ع حد ولا تقارن نفسك بحد كل واحد فينا امكانياته مختلفة وظروفه مختلفة، والظروف الل بتعيق غيرك، بتساعدك.. والعكس صحيح