Lovo Lovo

Question:الزواج عن حب ،، اقرب للتفاهم والتواصل الفكري وفيه يحس الطرفين بشكل فعلي مدى التوافق بينهم ،، خصوصا لو كانت علاقتهم دامت فتره ولا هي نزوه فجأه ونقول تعدي لا يكونون عقلاء فيها لانها حياة ومشاركة عمر ،، انا زواجي نهاية هالشهر كان تقليدي لكن الحمدلله توفقت خلال فترة ٥ شهور تعرفت عليه ومتوافقين بشكل رهيب وسبحان الله بالاخير هي توافيق

Question:ايوه اشوف ان الزواج مو شرط عن حب اهم شيء يكون عن معرفة هذا الشخص اللي برابط فيه معرفة سلوكه وطباعه وطريقة تفكيره هذا شيء يساعدني احدد اذا نتناسب او لا .. مثلا انا تزوجت من شخص بالزواج التقليدي صحيح انه انسان كويس لكن طبعه شرقي شديد الغيره ومنغلق بعكسي انا منفتحححححه ف دائما بيننا اختلاف على هذي النقاط

Question:جربت الزواج عن حب ومانفعني💔

Question:ما عدت اعرف اصلا شو الزواج الحلو لأني شفت النوعين ولا واحد اشوفه حلو للأسف اقصد اني شفت أهلي وربيعاتي معظم أهلي تزوجوا عن حب فكنت أظن إنه الشي حلو لكن بس فالبدايات عقب كله مشاكل وخيانات وشك وانعدام الحرية والبنت تفقد نفسها وتذبل فالزواج بس اقدر اقول الحين فهالعمر اني افضل يكون تقليدي وانه اعطي نفسي فرصة أكون مخطوبة ع الاقل ٦ شهور لو مب سنة عشان اشوف الشخص يناسبني ولا ونسأل وندور عنه وكل شي ويكون كل شي بحدود الشرع وأهلي يعرفون عنه أحسن عشان ما انخدع فالشخص او يستغلني او يستغل حبي فالأخير عسى ربي يرزقني باللي فيه الخير بي دنيا واخرة