الانسان يستخدم الايسر و الايمن بنفس المقدار مافي فروقات 🌹

- الحزن الشديد - اضطرابات بالنوم ( اما زياده او نقصان) - اضطرابات بالوزن ( اما زياده او نقصان) - احساس بألم بالجسم بسبب نقص السيروتونين - فقدان الاحساس بالمتعه - الافكار عن الموت وربما محاوله الانتحار طبعا الاكتئاب اكثر من نوع لكن هذي الاشياء العامه الي تخص الاكتئاب و في اشياء تخص كل نوع لايسعني ذكرها الحين

علمياً الانسان يستخدم الدماغ كله الايمن والايسر مافي شخص ايسر وشخص ايمن .. لان كل جزء له وظايف معينه مثلا الايسر مسؤول عن اللغه وللكلام والايمن مثلا مسؤول عن الحساب ، فالانسان الطبيعي الي قادر يحسب ١+١ وقادر على الكلام يستخدم الجزئين بنفس المقدار .. والي يقول عكس هالشي فكلامه غير علمي ويقوله لجذب المتابعين فقط 🌹

الاحلام انواع .. اما كوابيس من الشيطان ، او رؤيا من الله ، او احلام من العقل اللاواعي - بالنسبه للكوابيس ماتتفسر -بالنسبه للرؤيا تفسيرها حسب الدين والله سبحانه حط حق كل رمز بالرؤيا تفسير يخص المستقبل .. وهالشي يعرفله المتخصصين فيه فقط مو الكل . - بالنسبه للاحلام من اللاوعي ايضا لها تفسير حسب علم النفس .. لكن الفرق بينها وبين الرؤيا ان الاحلام تفسيرها يخص الحاضر وليس المستقبل .. يعني في احلام اذا حلم فيها الشخص تعني انه مضغوط نفسيا هالفتره او عنده امتحانات واختبارات او يحاتي الزواج او من هالامور .. يعني الاحلام تشرح نفسيته اما الرؤيا تقول شي عن مستقبله او تقوله شي مايدري عنه

لايمكن علاجها لشخص مايقدر يروح لدكتور نفسي .. لاازم يروح .. مجرد جلسات و يعطونه بعض الادويه وخلاص يتحسن .. بالنسبه للاعراض : ١- هلاوس : انواع الهلاوس؛ - رؤيه اشخاص او اشياء غير ووجوده بالواقع ( يعني مثلا يكلم شخص ويعتقد انه موجود جدامه والناس يسئلونه منو تكلم مافي احد ) - سماع اصوات غير موجوده بالواقع ويعتقد انها حقيقيه وليست خيال - شم روائح غير موجوده بالواقع ويعتقد انها حقيقيه ٢- حديث غير منتظم ( مثل الانحراف المتكرر او التفكك بالكلام) ٣- سلوك غير منتظم ( بشكل صارخ) ٤- اعراض سلبيه ( اي فقد الارادة الحرة وعدم التعبير عن العاطفه ابداً) وعشان نتأكد انه فصام لازم الاعراض هذي تكون مستمره لشهر كامل عند الشخص ( مو شرط كل المعايير تكون موجوده .. على الاقل اثنين منهم ، و واحد من هالاثنين لازم يكون رقم ١ او ٢ او ٣ )

اهلاً ، شكراً على الاطراء ♥️ بالنسبه للتفسير ف ماشاءالله عليج فسرتيها بنفسج ، بسبب الانتقاد في الصغر عقلج برمج ان الإقدام بالحديث شيء سيّء لذلك بسبب هالبرمجه الي صارت من مواقف حياتج صار معاج هالشي .. اما بالنسبه للحل فهو التدريب على التحدث امام الاخرين .. والظهور والتحدث امامهم قدر الامكان .. وحتى لو واجهج انتقاد او تعليق حاولي كثر ماتقدرين انج ماتفكرين فيه نهائياً .. بالبدايه صعب لكن مع التكرار راح تتغير برمجة الدماغ 🙏🏻 وابتعدي عن الناس السلبيين و كثيري الانتقاد

اهلاً ،، بالبداية حددي المجال الي تبين تطورين نفسج فيه او تتعلمينه : لغة / مهارة / رياضة / تخصص معين .. بعد ماتحددين المجال ابدي بالبحث عن الجهات الي تعطي دورات بهالمجال .. تلقين اعلانات الدورات بكل مكان .. قوقل وانستقرام وغيرها وايد .. وبعد ماتدخلين الدورات راح تتعرفين على ناس خبراء بالمجال الي تبينه وراح تتعمقين بالدورات

حسب الموضوع ،، وحسب طريقة فتح الموضوع و وقت فتح الموضوع .. وغالباً الافضل ان مانقول للناس اخطاءنا حتى لو كانو اقرب الناس لنا إلاّ اذا كان في سبب او داعي لإخبارهم

اولاً : الصلاة وذكر الله قبل كل شي ثانياً: تجنب الحديث عن الشخص هذا ثالثاً : زياره اماكن جديده او غير مألوفه لها رابعاً : خلو يومكم ممتلئ بالانشطه لاتخلون وقت فراغ .. حتى لو اشياء بسيطه مثل مشاهده افلام .. طلعه .. رياضه .. الخ. خامساً: خليها تتعلم شي يديد عليها مثل رياضه يديده او طبخ او اي شي

اهلاً .. بالنسبه للتشابه الكبير بحياتكم هذي صدفه حلوه .. سألتيني عن الحل ؛ احب اقولج ماكو حل لانه ماكو مشكله اساساً .. هذي مجرد صدف مترابطه ف الحمدلله انها مو مشكله او اضطراب او من هالامور .. اما بخصوص السبب .. للاسف مافي سبب واضح ماعدا الصدفه .. مثل ماتعرفين ان الله سبحانه يكتب جميع اقدار الاشخاص من قبل ولادتهم ف التفسير الوحيد ان اقداركم وظروفكم تتشابه .. اما بالنسبه انج تكلمينها بقلبج مثل التخاطر وهي تفهم وترد عليج .. هذا الشي يصير بسبب قوه العلاقه وانكم فاهمين بعض بدرجه كبيره وايضاً بسبب خبراتكم وظروفكم المتشابهه والي خلت تفكيركم متشابه .. ف انتي تقدرين تخمنين الي تفكر فيه واهي كذلك تقدر تخمن الي تفكرين فيه .. لكن هذا كله مايعتبر اضطراب و يعتبر شي طبيعي بسبب الظروف المتشابهه الي تمرون فيها 👍🏻