ادرس بكلريوس علم نفس عام .. بالكويت نظامنا البكلريوس يكون عام و بعدين نتخصص بالماجستير و الدكتوراه بأي تخصص نبيه

شرحيلي اكثر شلون يعني ازعاج؟

لا والله ما انصح بكل الحالات لان عادي جدا يخطئون بالتشخيص ويعطونج ادويه ماتحتاجينها .. اذا حالتج تحتاج مجرد جلسات بدون ادويه روحي .. اما اذا بيعطون ادوية أو ابرة ابداً ما انصح لان كذا مره سمعت من دكاترتنا عن دكاتره هناك اخطأوا بالتشخيص و ساءت حالة المرضى بسبب ادوية غلط .. ف الافضل تروحين عيادة دكتور معروف انه شاطر .. عندج د امينة السماك و د فاطمة و د كامل الفراج من افضل الدكاتره

اولاً في فرق بين الصراحة و الوقاحة .. لما الشخص يكلم زوجته عن شي مو عاجبه فيها ويبيها تغيره مثلاً .. هذي صراحة .. بس لما يمدح بنت ثانيه جدامها هذي وقاحة .. ولو كنتي مكانه هل كان راح يرضى تمدحين شكل رجل ثاني جدامه؟ مستحيل طبعاً .. بالتالي اذا كلمتيه و وقّف هالشي راح يوقف الوقاحة ماراح يوقف الصراحة "الصراحة انه يقولج كل شي يصير معاه وكل شي بباله بس بدون مايجرح مشاعرج" .. واساساً مفروض عليه غض البصر ويكتفي بزوجته دام متزوج .. ف انتي لما تكلمينه بهالموضوع ماراح تكونين غطانه بأي شكل من الاشكال ، الغلط منه ، بس شلون تكلمينه هالموضوع و يوقفه بدون ما يوقف صراحته معاج؟ هالشي يعتمد على الاسلوب و طريقه فتح الموضوع ،، لما تكلمينه عن هالشي اولاً اختاري وقت يكون مستانس ومرتاح فيه مو تعبان ولا معصب .. والافضل يكون وقت ثنينكم مستانسين وتضحكون فيه .. هني كلميه قوليله ابي افتح معاك موضوع بس اخاف تفهمني غلط .. وقوليله نفس الكلام الي قلتيه لي وفهميه انها مو عدم ثقه انما غيرة .. طبعا باسلوب حلو موو بزعل ولا بنبرة عتب .. وفهميه ضرووري انج كنتي تبين تقولين هالشي من زمان بس خايفه تفقدين صراحته .. اهوا حزتها راح يتفهم موقفج 👍🏻

يعني معتقده انج ١٠٠٪؜ بفلم ؟ اذا اي .. ف لازم جلسات نفسيه

اي اكيد ماكو مشكله .. لكن بدراسه الماجستير وليس البكلريوس

السلام عليكم ، لالا ابداً ، ماله علاقه دراسه العقل بالالحاد بالعكس كل ماندرس اكثر نقول سبحان الله على هذي المعجزات الي بجسمنا ، في نظرية واحدة فقط الي تعتمد على الالحاد وهي نظريه دارون .. الي ايمانه قوي ماراح يتأثر فيها طبعاً ، الملحدين يحاولون يربطون هالنظريه بكل شي لكن العقل مايستوعب اننا كنا طحالب وصرنا سمك وبعدين صرنا حوت وبعدين صرنا فيل وبعدين زرافه وبعدين قرد وبعدين تحولنا حق انسان؟؟ 😅😅 ولا يوجد ادلة كافيه لنظريتهم اساساً .. يستخدمها علم النفس حق بعض الاشياء ولكن الي ايمانه قوي ماراح يتأثر اكيد

حبيبتي انتي ، بس منو؟ 🌹

- لغات الحب - نظرية مزاج الشخصيات - غسيل الدماغ - الشخصية الكارزمية - DSM5 في اكثر اكيد بس هذيل اقوى شي و الي على بالي الحين 🌹

الي اعرفه معناته ان عندج ضغوط نفسيه بس ماني متأكده ، اذا تبين احد يفسرلج لازم تكون متخصص بالتحليل النفسي