عنود

ياروحي والله💕 اهلا وسهلا وتاكدي ان النصيحة ماتمشي معك لانك شخصية واعيه وعارفة مدى تأثير القناعة على الشخصية وحرفياً ان السعاده تبدا من داخلك كنا نقرا هالكلام ومانستوعبة الا بعد مرحلة عمرية محدده وصلنا ان السعادة تبدا بالقناعة وتبدا من حيث ينتهي الناس والماديات وتبدين تتعرفين على نفسك اكثر ومزاجك وهواياتك وحياتك حتى خلوتك بنفسك تكون لها قيمة وتكون جميلة لو بفنجان قهوة وحياة الناس مثل حياتنا تماما مليانه كراكيب ومليانه حلقات مفقوده تصلنا منها الجزء الي يتم اختياره واقتصاصه حتى نراه جميل

والله شوفي انا اشاركك شي وانافرك شي المبالغة في الشيء تفقد بريقة وتفقد قيمته مثلا : وجود الورد في كل شي ياخذنه حتى للبر يصورن ورد؟ بالسيارات؟ بالكافيهات؟ لكل مكان مقام ولكل مكان كريزما خاصة فيه👍🏻 بس تاكدي وخذيها مني انها فترات وخلاص تنتهي المبالغة في هالامور ويصحن النساء بالتدريج لاني مؤخراً اشوف في افكار كثيره بمجتمعنا وبين نسائنا تغيرت وتطورت في صحوة رائعة جدا ً وفي عقليات نيره ومؤثرة والفئة الثانية التقليديه رح تقلدهن 😁 بس الترتيب والتصوير حلو بدون مبالغة يعطي صورة عنك حتى لو نشرتي ماتكلم عن المبالغة والبهرجه وبهذا الزمن صعب انك تكون شخص مالك وجود الكتروني👌💕

لحظة الادراك هذي تنشرى بالمال😁 وهبة من الله في حريم تعيش وتموت وهي دابلة تسبد الي حولها وتعيي تدرك وتعييي تستوعب ولا تعدل بحياتها شيء نمط من تعيش لما تموت

يااهلاً وسهلاً بالنسبة لي سنابي له عشر سنوات او اكثر يعيد لي احداث كل يوم ويذكرني بكل صوره وقبل السناب كان عندي الانستقرام من ٢٠١٢وكل لحظاتي وصوري وايامي محفوظة سفرياتي نزهاتي مهما كانت بسيطه وماكنت احرص ابدا اني اطلع الصورة في احتراف دائماً تصويري للحدث كما هو بالكركبة وبالجلسات الطبيعيه فسبحان الله كل ماعاد لي الذكريات ترجع نفس اللحظة لي بشعورها ، وعطرها وبخورها وبالوجيه الي كانت حاضره حولي ✔️ لدرجة ان حتى تفكيري وعقليتي وقتها والله اني اتذكرها ☹️ واشوف نموي الفكري وتطوري الاجتماعي بكل المراحل بالنسبة لي التصوير الحي والواقعي حيااااااة كاملة لو تطلبيني لمحات من حياتي الشهر الي فات تراني ناسيتها تماماً لكن ارجع لسناب واتذكر كل لحظة لان كل مكان وكل موقف وكل شيء مصور ومحفوظ بالتاريخ حتى لو مانشرته فـ الموضوع في جوانب حلوة كثيره ومواكبه لحياتنا وعصرنا وعمرنا ، ليش نرفضها! ليش مانحوكم ونقنن ونعيش عمرنا😌💕

الله يرحمها ويغفرلها ،فعلا هذي الحياة تكون انت تحت مظلة ومنشود عنك وفجاه تفقدين هالمظله مانقول الا الله يرحمهم ويعوضك خير هذي سنه الحياة وهنا تتجلى العلاقات المقربة الوحده الي تدخل بحياتك بعمق جاره ولا خويه ولا اخت انا اشوفها شيء مهم جدا لمن يخاف الوحده ! ويخاف الفقد! ليه امهاتنا قبل عندهن قاعده كبيرة من الجارات الي يدخلن بكل وقت ويجن باي وقت وبدون اي تقدير للوقت! ليش حنا اختلفنا ! وكيف كانن امهاتنا عندهن صلابة نفسية وقوة حكمة من كثر مجالسة النساء والفضفضة والسوالف حنا الحياة الاجتماعية اجبرتنا في اشياء واكتفت كل وحده في بيتها وعيالها واهلها لدرجة ممكن تقعد سنين ماتدري عن جيرانها وماتدري عن خوياتها ومافي تواصل مقرب لاي شخص تحزن وتكتئب وتفرح وتسعد وماحد يدري لها ! مافي الشخصية المقربة الي تدخل عليك اي وقت لذلك كان الرسول يوصي بالجار 💕

ريحك من العبء ومن المشاكل ، واهداك عيال وبنات وسنوات وشباب وريح راسك من المشاكل ، لو كنت مكانك اهديته بوكي ورد وشكرته انه حسم الموضوع 😁 المعروف ان النساء بشكل عام حنونات وممكن تصبر على ضيم وظلم وهي تدري ،! تصبر وتحمل على شان موقف واحد حسن او يوم قضته معه جميل ،! وتحمل كل الظلم منه ،! لذلك الله سبحانه اعلم في قدراتها وعاطفتها 🤝يرحمها من الهلاك النفسي والجسدي الي هي عايشته ويخلي الرجل يحسم الامر ويطلقها 👍🏻 خليها تتألم اسبوع ! شهر! سنه! لكن بالنهايه رح تكون سعيدة ومرتاحه وخفيفه من الهم