Reemaljebane

Question:ممكن نعرف ليش السماحه كلها عندك 🤐🥺 وياريت تحولي صورتك من لانستا 🤦🏻🥺

Question:شفتك اليوم في شارعنا ماشاء الله عليك بصدق🤍

Question:مازال ع يوم عرفة تقريبا 26 يوم بعون الله ...فكرتي تستعدي لهاليوم عشان دعوتك فيه تُستجاب!؟ هو يعني حتى يوم عرفة ضروري نستعدوله!؟ نعم^^ أعمالك في ال 38 يوم اللي قبل يوم عرفة كفيلة تمنع عنك استجابة دعواتك وتقعدي اتقولي ليش ربي مااستجابش أو إنها اتسرعها لك .. تسألي كيف !؟تعالي انفهمك إنت عارفة إن عرفة يوم من أيام الأشهر الحرم، يسبقه شهر ذي القعده و 8 أيام من ذي الحجه ،وعارفة إن الله عز وجل أمرنا إننا مانظلموش فيهن أنفسنا بكثرة الذنوب و قلة الطاعات .. وإن الذنب فيهن إثمه مضاعف والطاعة أجرها مضاعف فتخايلي معايا هكي إنك طول ال 38 يوم هذين ، ذنوب ،أغاني ، غيبة ،تقصير ف الصلاة ، مسلسلات ، تقصير في الحجاب ، خوض ف أمور تسوى وماتسوى ، تطلعي مشاويرك مكياج وعطرك واصل لآخر شارعكم ، قلة ذكر ،مافيش استغفار ، ولا قرآن ، متخيلة كم الذنوب اللي حيتراكم عليك في هالأيام وإنت عارفة إن الذنوب تمنع استجابة الدعاء!؟ ياجوري من اللي ماعنداش ذنوب كلنا مذنبين !! ياعيون جوري مافيش انسان معصوم من الذنب ،وكلنا مذنبين ، لكن فرق كبير بين اللي يجاهد نفسه في مواسم كيف هذي تعظيماً لشعائر الله وبين الله مستهين بيها ومطمن لله وإنه غفور ، فرق بين اللي يجاهد الذنب ويقع فيه ويستغفر وبين اللي يستمتع بالذنب ويخططله ويقع فيه وهو ناوي إنه يستغفر بعده .. ياقمري الأيام هذي الذنب فيها مش ذنب عادي ، الذنب فيها كفيل يحرمك جمال استجابة دعوات عرفة ... كيف ماكنت تستعدي وتجتهدي ل ليلة القدر وانت مش عارفتها أمتى ،من باب أولى إنك تستعدي ليوم عرفة وإنت عارفته أمتى وعارفة فضله وأثر الدعاء فيه مش حنطول عليك ، اللي نبيه منك هالأيام إنك تستغليها صح 25 يوم مش واجد و حيمرن بسرعه ، فاللي عليك اتديريه اتركزي ف الكلام الجاي اكويس^^... مش حنتكلم عن النوايا حكيت عنها واجد من قبل ،بس فيها حنقولك " خلي نيتك وهدفك هالأيام إن الله عز وجل يرضى عنك وبس " انسي دعواتك وهمومك ومشاكلك وامنياتك ورغباتك ...انسيهن هالأيام هذي بس^^ حافظي ع فرائضك ، ردي الحقوق لأهلها وانتبهي ل لسانك واستغفري لكل حد اغتبتيه او تكلمتي عنه ، خصصيلك وقت مع القرآن ، مع اذكار الصباح والمساء والنوم كثري من الاستغفار والصلاة عالنبي والباقيات الصالحات أحب الكلمات إلى الله أربع ، الله عز وجل حيحبك ويرضى عنك بكثرة ترديدك للكلمات الأربع .. الصدقة ولو جنيه يوميا ...مافيش فلوس !؟ خير الصدقة سقيا الماء ، ونحنا توا ف صيف والجو ساخن والطيور تعطش من الجو وفي كل كبد رطبة أجر^^ امدحي الله قد ماتقدري وافضل مدح بالحمد أو تاج الذكر .. حمد لله بعد الأكل والشرب وعند لبس الملابس غير هك !؟ لايزال لسانك رطبا بذكر الله ، الإصلاح بين المتخاصمين ، قضاء حوائج الناس ، قيام الليل ،جبر الخواطر ولو بالشي القليل المادي أو المعنوي ، إماطة الاذى عن الطريق و إماطة أذى لسانك عن الناس ، صلاة الضحى ، نشر علم ،تعليم الناس الخير ،تشجيع بنوته عالحجاب الشرعي ،وغيرهن واجد بس المهم ركزي عاللي ذكرتهن فوق .. كله كله حيكون بس عشان ربك يرضى عنك ولما يرضى حيرضيك ، كله حيكون مضاعفه لحسناتك ومسارعة للخيرات والله لما ذكر قصص الإستجابة للأنبياء ف سورة الأنبياء ذكر في آخر آيات فاستجبنا له (إنهم كانوا يسارعون في الخيرات ) ربك حبيبك يرضى لما يشوف منك صدق قلبك ورغبته ف رضاه ، وشيطانك مش حيخلي هالأيام تمشي عادي ، حيضايقك بشكل كبير ، فتعاملي معاه ب مبدأ اعمل نفسك ميت وتجاهلي اي شعور او فكرة يبثها لك وركزي ع هدفك عشان لما يجي يوم عرفة تدعي الله وإنت عندك حصيلة حسنات وتقدري تسأليه بكل عمل صالح خالص له وحده درتيه بس عشان رضاه... بعد هذا كله ضروري من قوة اليقين ،لو يقينك مهزوز اشتغلي ع رفعه من توا ، و تقدرن اتردن لكورس اليقين وأسرار الوصول حيساعدكن واجد ، وجهزن دعواتكن ليوم عرفة من توا وتفائلن بالله إنه حيكون عرفة الاستجابة هالمرة .. كلنا عارفين إن الدّعاء من السّعي ، والذنوب تمنع الاستجابة يعني اتسببلك خلل ف سعيك ، فغيري طريقة سعيك هالمرة عشان توصلي لنتيجه غير عن السنوات الفاتت. وبس🤍

Question:مازال ع يوم عرفة تقريبا 26 يوم بعون الله ...فكرتي تستعدي لهاليوم عشان دعوتك فيه تُستجاب!؟ هو يعني حتى يوم عرفة ضروري نستعدوله!؟ نعم^^ أعمالك في ال 38 يوم اللي قبل يوم عرفة كفيلة تمنع عنك استجابة دعواتك وتقعدي اتقولي ليش ربي مااستجابش أو إنها اتسرعها لك .. تسألي كيف !؟تعالي انفهمك إنت عارفة إن عرفة يوم من أيام الأشهر الحرم، يسبقه شهر ذي القعده و 8 أيام من ذي الحجه ،وعارفة إن الله عز وجل أمرنا إننا مانظلموش فيهن أنفسنا بكثرة الذنوب و قلة الطاعات .. وإن الذنب فيهن إثمه مضاعف والطاعة أجرها مضاعف فتخايلي معايا هكي إنك طول ال 38 يوم هذين ، ذنوب ،أغاني ، غيبة ،تقصير ف الصلاة ، مسلسلات ، تقصير في الحجاب ، خوض ف أمور تسوى وماتسوى ، تطلعي مشاويرك مكياج وعطرك واصل لآخر شارعكم ، قلة ذكر ،مافيش استغفار ، ولا قرآن ، متخيلة كم الذنوب اللي حيتراكم عليك في هالأيام وإنت عارفة إن الذنوب تمنع استجابة الدعاء!؟ ياجوري من اللي ماعنداش ذنوب كلنا مذنبين !! ياعيون جوري مافيش انسان معصوم من الذنب ،وكلنا مذنبين ، لكن فرق كبير بين اللي يجاهد نفسه في مواسم كيف هذي تعظيماً لشعائر الله وبين الله مستهين بيها ومطمن لله وإنه غفور ، فرق بين اللي يجاهد الذنب ويقع فيه ويستغفر وبين اللي يستمتع بالذنب ويخططله ويقع فيه وهو ناوي إنه يستغفر بعده .. ياقمري الأيام هذي الذنب فيها مش ذنب عادي ، الذنب فيها كفيل يحرمك جمال استجابة دعوات عرفة ... كيف ماكنت تستعدي وتجتهدي ل ليلة القدر وانت مش عارفتها أمتى ،من باب أولى إنك تستعدي ليوم عرفة وإنت عارفته أمتى وعارفة فضله وأثر الدعاء فيه مش حنطول عليك ، اللي نبيه منك هالأيام إنك تستغليها صح 25 يوم مش واجد و حيمرن بسرعه ، فاللي عليك اتديريه اتركزي ف الكلام الجاي اكويس^^... مش حنتكلم عن النوايا حكيت عنها واجد من قبل ،بس فيها حنقولك " خلي نيتك وهدفك هالأيام إن الله عز وجل يرضى عنك وبس " انسي دعواتك وهمومك ومشاكلك وامنياتك ورغباتك ...انسيهن هالأيام هذي بس^^ حافظي ع فرائضك ، ردي الحقوق لأهلها وانتبهي ل لسانك واستغفري لكل حد اغتبتيه او تكلمتي عنه ، خصصيلك وقت مع القرآن ، مع اذكار الصباح والمساء والنوم كثري من الاستغفار والصلاة عالنبي والباقيات الصالحات أحب الكلمات إلى الله أربع ، الله عز وجل حيحبك ويرضى عنك بكثرة ترديدك للكلمات الأربع .. الصدقة ولو جنيه يوميا ...مافيش فلوس !؟ خير الصدقة سقيا الماء ، ونحنا توا ف صيف والجو ساخن والطيور تعطش من الجو وفي كل كبد رطبة أجر^^ امدحي الله قد ماتقدري وافضل مدح بالحمد أو تاج الذكر .. حمد لله بعد الأكل والشرب وعند لبس الملابس غير هك !؟ لايزال لسانك رطبا بذكر الله ، الإصلاح بين المتخاصمين ، قضاء حوائج الناس ، قيام الليل ،جبر الخواطر ولو بالشي القليل المادي أو المعنوي ، إماطة الاذى عن الطريق و إماطة أذى لسانك عن الناس ، صلاة الضحى ، نشر علم ،تعليم الناس الخير ،تشجيع بنوته عالحجاب الشرعي ،وغيرهن واجد بس المهم ركزي عاللي ذكرتهن فوق .. كله كله حيكون بس عشان ربك يرضى عنك ولما يرضى حيرضيك ، كله حيكون مضاعفه لحسناتك ومسارعة للخيرات والله لما ذكر قصص الإستجابة للأنبياء ف سورة الأنبياء ذكر في آخر آيات فاستجبنا له (إنهم كانوا يسارعون في الخيرات ) ربك حبيبك يرضى لما يشوف منك صدق قلبك ورغبته ف رضاه ، وشيطانك مش حيخلي هالأيام تمشي عادي ، حيضايقك بشكل كبير ، فتعاملي معاه ب مبدأ اعمل نفسك ميت وتجاهلي اي شعور او فكرة يبثها لك وركزي ع هدفك عشان لما يجي يوم عرفة تدعي الله وإنت عندك حصيلة حسنات وتقدري تسأليه بكل عمل صالح خالص له وحده درتيه بس عشان رضاه... بعد هذا كله ضروري من قوة اليقين ،لو يقينك مهزوز اشتغلي ع رفعه من توا ، و تقدرن اتردن لكورس اليقين وأسرار الوصول حيساعدكن واجد ، وجهزن دعواتكن ليوم عرفة من توا وتفائلن بالله إنه حيكون عرفة الاستجابة هالمرة .. كلنا عارفين إن الدّعاء من السّعي ، والذنوب تمنع الاستجابة يعني اتسببلك خلل ف سعيك ، فغيري طريقة سعيك هالمرة عشان توصلي لنتيجه غير عن السنوات الفاتت. وبس🤍