IBRAHIM

ان شاءالله والله يسمع منك يارب 🤲🏻

اللهم آمين يارب العالمين صحيح الان الفحوصات تطورت مشكلة اهلي بسبب زواج الاقارب مايعرفون احد ولا يختلطون بالعوائل الثانية علشان كذا انا بلش 😂🤦🏻‍♂️ وكاره نظامهم الغبي

انا ما ابي انزوج الا وانا جاهز وبخصوص ان فيه وحده من اقاربي انا ما ابي زواج اقارب كان عندي اخوان الله يجعلهم شفعاء فيه مرض وراثي طبعاً ابوي وامي متزوجين قبل ما يقرون الفحوصات ما قبل الزواج علشان انا ما ابي زواج اقارب

مع الاسف تفكيرهم كذا يقيسون على زواجاتهم وكلام البعض من كبار العائلة مثل ماقلتي يمكن البنت متطلبه او تبي تحط زواج كبير ومكلف هم مايفكرون كذا وإصرارهم على زواج الاقارب جاء بسبب اني مرة قلت لهم عن وحده كنت ابيها ولعلي استعجلت بوقتها وكلمتهم ويوم شفت ردت فعلهم الغريبة اخذت عهد ما اتزوج ومسحته من راسي الزواج كل شوي بنات خوالك ومدري وش وانا خلاص اخذت عهد ما اتزوج خصوصاً اقول ان راتبي بوجهة نظري ما يخليني اعيش حياة رفاهية لو تزوجت ما ابي ابخل لا على نفسي ولا زوجتي ولا اولادي مستقبلا

هذا هو انا كنت واضح معهم من البداية لا للزواج من اللي هم يختارونه انا اللي اختار خصوصاً ان هم يتزوجون اقارب وانا مو مقتنع فيه وابي اطلع فقلت لهم ماراح اتزوج منكم لو اقعد اعزب خير لي من زواج مجاملة وكذب على مشاعري ومشاعرها كذلك هم يبون زواج الاقارب بس علشان التكاليف يقولون اقل وانا ضد هذا الشي

سواء عند القريبين او البعيدين كان المفروض اني ما اجامل مع ان الفترة الاخيرة صرت ارد ولا اجامل خصوصاً الاهل بخصوص الزواج كنت واضح معهم الزواج اخر شي افكر فيه بحياتي ماراح اتزوج الا وانا مقتنع كامل القناعة فيه وانا اللي ابختار الانسانة اللي تكون ام اولادي صح انهم تضايقو افضل من اني اجامل واعيش حياة مو حياتي واكذب على نفسي ومشاعري