ماحاجة هو شي عادي مثل ما الاساتذة يقدمون محاضرات انتوا قدموا مثلهم و كل واحد و طريقته و الشاطر الي يبرز هنا اهم شي ثقة بالنفس و فاهم من تشرح مو حافظ و المحاضرة تتجمع من عدة مصادر و من محاضرات طلاب السنين السابقة حتى تعرفون المطلوب بس ماتسووهة كوبي بيست مثل مال العام بعد كل طالب و بصمته ر اكو طلاب يحطون كومة مادة مالهة داعي فلا تسوون مثلهم اهم شي المحاضرة مكفية المادة و الوقت الي عدكم و مفهومة . و طريقة التقديم بالابتوب تحضرون باوربوينت يعرض للطلاب على الشاشة بالقاعة ( لذلك لازم يكون بي مدخل Ups و كل واحد ياخذ لابتوبة باول اسبوع يجربة قبل لا يصير تقديم المحاضرة عليه لان بعض اللابتوبات تحتاج وصلة يلا تعرض و الاساتذة ماراح يسامحون اذا بالمحاضرة ماعرض اللابتوب لان عدكم وقت تچيكون ) . الباور بوينت بي رؤوس اقلام عن المادة لان ممنوع تقرون الشرح فتخلون اشياء تذكركم بالشغلات الي تردون تشرحونهة و حاولوا تسألون و تجاوبون بعض . بالتوفيق للجميع 🤍