بنات انا اختي متزوجة رجل كبير ولاهي صاحبة خرابيط او مغازل لكن احس يوم تعب زوجها بدت تخاف على جوالها من ناحيه السناب لان مره قالت لي لاتفتحين الرسايل اللي بالسناب وانا مره بيدي جوالها لانها عطتني اياه اسوي لها شغله اسجل لها وكذا ..المهم شفت شعار سناب باسم رجل يعني رساله خاصه ..وهالاسم جاني عندالمقترحين بسنابي ..واضفته علشان اعرف ايش هو ..حسابه عادي مافيه خلل لكن انا شاكة انها ترسل له خاص ..لانها هي عادي تحادث دردشه للرجال ولكن اخاف يجرها الشيطان تبدا تلين معه وتعرفون خطوات الشيطان ..هاصه انها فاقده الحنان من زوجها وهي رومنسيه بزياده وشخصيتها ضعيفه ..انااشك بنفسي ولااشك فيها لكن ظروفها تخليني افكر بحالها ..وانا من حبي لها خايفه عليها ..ولاتقولوا انصحيها او تكلمي معها لاننا تربينا على مراقبة الله ولايمكن اننا نسوي هالشي من ايام كنا مراهقات ايام التلفون فكيف الان انا وهي لنا زوج واولاد ..السوال كيف اعرف انها تدردش مع هذا الحساب خاصه ان اسمها بالسناب اسم صريح وهي من النوع اللي ماينتبه وخايفه عليها من احد يجرها او ياخذ معلوماتها لانها ماتفهم بالجوالات ابدا ولكن جزيل الشكر
hace 5 años
azizhm
تم
صاحبه المشكله لايضيق صدرك على هالحموله انازوجة الولد الكبير للعايله تصدقين كنا في مدينه غير مدينه اهل زوجي توه متعين وكان ذاك الايام يوم الاجازه يوم الجمعه نروح لمدينتا تبعد 300 فيوم الاربعاء والخميس عنداهلي ويوم الجمعه نروح نتغدا عندهم ويخلون العايله كلها محشوره بغرفه وحده اكل غداي وانا متغطيه والله ان ظهري بظهر اخوه يعني اي حركة يشوفني مره قالوا مافيه احد وكشفت غطاي بغرفة الجلوس اللي دايم نجتمع فيها وهم ست اخوان وكلهم ماتزوجوا وكبارين احدهم دخل وشافني بكامل زينتي وكنت عندامه معي جوالها ايام البلوتوث قلت خاله عطيني الجوال عندي مقاطع ابعطيك اياهن واخذت رقم اخوه وارسلت له رساله قلت ارجع ولاكانك شفتني لان زوجي دخل بعد ماطلع اخوه وشاف الموقف بس مو متاكد اني متغطيه او لا زوجي حتى الغلط زي كذا مايتحمله خفت على اخو زوجي قبل نفسي خفت انه يشك انه يتصيد الفرص حتى يشوفني انا من الاصل مهزئني زوجي يقول انتي ماتهتمين بالغطا انا اقول لك موقف علشان تهيئين لنفسك حل انا عقب هالمواقف يدخلون وانا ماتغطيت والله انهم حريصين لكن ماتوقعوا وجودي ومساله الغداء انا اقول لزوجي كيف ترضى اني اتنكد الاكل وانا متغطيه يقول لي اصبري يتزوجون اخوتي وتكبر الجلسه وتصيرين مع زوجاتهم مستقلات المهم انتي جربي قولي لزوجك غطاي يطيح ويشوفوني او تقربي لامه وقولي استحي من العيال احس اني احرجهم واجلسي بغرفه الجلوس تصلين او مع ولدك تلبسينه او معخواته تتكلمين معهن بعيد عن الرجال ويشوفونك انك ماتقعدين كثير معهم وقليل جلستك وبس ساكته فيملون يعني اسحبي نفسك شوي شوي ولاتناقشين زوجك اذا قالك شي قولي سمع وطاعه لان الرجل كلش ولا اهله واذا كان له اخوان على وجه الزواج اصبري حتى تجي زوجاتهم وتكثرون وتصيرن مستقلات وبعدين حمولتك يملون من بزارينكم الدنيا ماهي طويله انا الان اتمنى بس اشوف ام زوجي احبها لكن يوم تزوجوا عيالها تبغى الراحه ولافيه اجتماع الا بعد اسبوعين وبالاستراحه والحريم منفصلات وصارت تتعب من لجه البزران الدنيا كلها ايام وراح تقولين ياحسافه ضيقه صدري وهوشاتي مع زوجي
hace 5 años
azizhm
تم
انا مشكلتي اني مزاجيه وسكنت عند اهل زوجي بشقه مستقله عندهم وزينوا بيني وبينهم باب انا متعوده عند اهل على كلن يعيش وحده مال احد شغل بااحد مسيار مره بالاسبوع او بالشهر شهرين عماني يبغوني معهم على طول كل وقتي انا ابغى اطبخ ببيتي وبعد بيتي يبغى شغل وتنظيف واحيان اجيهم اسبوعي واذا سافروا وخلوا ابوزوجي اقوم فيه وكل شي اسويه له وام زوجي تزعل لما تجي مااخدمها زيه طيب هي بعافيتها وصحتها ماشاءالله ابو زوجي كبير بالسن ورجال وزوجي ماره يضايقه زعل امهه واحيان تصير بينا مشاكل ومرات يتوعد بالطلاق ونتفارق اذا ماغيرت أسلوبي وجتني فترات اروح اطبخ معهم وسوا بكل شي بس اتعب من الغطاء وحالتي وخاصه عندهم اخو زوجي الكبير ومرته وعياله وبناته من غير اخوان زوجي بس تركتهم بعد فتره ويزعلون طيب انا انسانه ماهو كل يوم لي خاطر اقابلكم حتى تعاملهم معي ماهو نفس كأنهم يبغون شغاله مع مرت أخوهم مره متعب البيت وكلن يجي فيه بس اخوان لزوجي متزوجين وبرى وكلهم اكبر من زوجي انا احب أكون بشقتي احب أكون مستقله واسوي اللي ابغى وأروق احب الجمعات به ماهو كل وقت خاصه جمعاتهم مابها جديد ازعاج بزران وكلن على جواله فااحب اروح ماهو كل خميس ابغى اطلع مع زوجي ارتاح ببيتي انا اول مره اشوف اهل زوج كذا يبغون معهم على طول وزوجي مطفشني عند هالموضوع
hace 5 años
azizhm
تم
اهلين اخت عزيزه احب اقترح اقتراح ومستحيه اقوله بالقروب لاني لااشارك كثير واشكرك على فكره القروب صراحه انا من اللي استفاد كثير من بعض البنات اقلها ان صاحبه المشكله ارتاحت لانها فضفضت المهم اقتراحي يكون القروب مالازم مشكلتك الشخصيه يعني الحمدلله مو كل وحده يكون عندها مشاكل او ان مشكلتها ماتحب تقولها يعني كل وحده ترسل قصه فيها عبره مانبغاها منقوله من الواتس لانها تكون مكرره انا شفت الاخت اللي قالت عن الغيبه وتذكرت انه لازم نفكر بمواضيع ثانيه غير مشاكل الزوج يعني كالاولاد وتربيتهم والنفس واخطائها ولو تكون عندك قصه سمعتيها من وحده ثقه او شهدتيها انتي نبغى القروب زي المجلس الواحد نجتمع فيه ونتناقش وناخذ ونعطي وشكرا لك مره اخرى ولاانسى اشكر جميع الاخوات
hace 5 años
azizhm
تم
هلا بنات انا مشكلتي اني انظف وارتب غرفتي او اغراضي وعلطول مااقعد فتره الا تجتمع الزباله واغراضي مادري وينهاوكركبه بالدروج وملابسي واي شي يخصني وانا استحي من زوجي دايم يطيح على هالاشياء مايشوفني الا حوسه الغريب بالامر من تزوجته اذا كنت مرتبه ومنظفه بيتي وغرفتي والله يابنات يجي شي تصير مشكله ولايشوف نظافتي وترتيبي وحتى جسمي اكون ماتهيأت ولاشلت شعر ولااهتميت بلبسي ولااي شي ويصير اقرب لي من اني اكون نظيفه ومرتبه لذالك كرهت الترتيب والنظافه ربطته بالمشاكل واكثر من مره يحصل هالمواقف والله ماتصدقون يابنات يعني ماتطيح عينه الا على حوستي وان تنظفت ببيتي وجسمي وهندامي يجي معصب من الاساس مايكلمني او اي مشكله تحصل تخليه ماينتبه اني مهتمه فيه وخاصه ان زوجي من النوع اللي يحب الترتيب والنظافه وينتبه لكل شي ولايسكت لو شاف شي مااعجبه ومهتم بنفسه وباغراضه وهذا اللي قاهرني اصبحت محبطه بديت اقول ليش اتعب وارتب علشان ادور مشاكل بيني وبين زوجي وانا الان مهمله لكل شي عجبني انه ماتكلم او بالاحرى شكله مل من الكلام والهواش صار عاجبني انه ساكت
hace 5 años
azizhm
تم
بنات اللي عندها علم او ادله تنصحني او تقول لي هل يجوز لي فعلي ..انا عندي قريبه لي اذتنا اذيه بحياتنا وبعض امورها تنكشف للناس ثم يسالوننا الناس كيف سوت وكذا وكذا بعدين انا اتكلم عنها واقول كل اللي بخاطري وهم يعرفونها شخصيا وكل الكلام ذا عارفينه الناس يعني بس نفضفض لكن اذا خلصت من كلامي اتذكر ان هالكلام هذاغيبه ..وايضا عندي صديقتي تتكلم عن حياتها والناس اللي حولها وتحدد من اللي مأذيها مع العلم مااعرفهم ابدا ولاكد شفتهم لكن ودي تفضفض لي علشان ماتزهق واعتبره من حسن الصحبه اني اسمعها وانا خايفه انها تكون ايضا غيبه وايضا كثير بنات صديقاتي وقريباتي يفضفضون لي ويرتاحون لي ولكن احس بحرج اخاف من انها تكون غيبه وانا سمعت ان الغيبه لها ابواب كثيره احنا غافلين عنها وخفت ولكن اقع بالغيبه بمثل كذا ولا اقع بالغيبه الا من هالحالات ياقريبه معروفه او صديقتي تفضفض لي او حتى قولوا مشهوره او عاصي او عاصيه يعني مثل الممثل او مغنيه وحتى يقولون الشغاله اللي ماتعرف كلامك تغتابينها وحتى الكافر ماتسبينه انا الان احاول اسكت نفسي عن الكلام عن قريبتي هذي ولكن صديقتي مااقدر لازم تقول كل اللي عندها حتى لو رديتها والمشهورات لاتخلو مجالسنا من الكلام فيهن ..ابغى نصايح واراء اقدر افتح موضوع تناقشون فيه لان انا شفت كثير من المشاكل بالقروب عن الزوج وفكرت بنفسي ليش احنا مانفتش عن اخطائنا يمكن ربي يعدل من حياتنا لان يقال انشغل بعيوبك تعمى عن عيوب الاخرين انا الان في محاوله لتعديل اخطائي ساعدوني ابغى تتعدل حياتي
hace 5 años
azizhm
تم
بنات انا ابولد ببيتي وبيتي صغير واخاف الحلبه والادويه تنتشر بالبيت هل اقدر اسوي شي يبعد ريحته والشي الثاني ماعندي احد ينفسني ويطبخ لي ابغى حرمه اطلب منها اكلات شعبيه بالقصيم تجيبه لي كل يوم او حتى اقدر اجيبه منهامن تعرف ارقام وعطوني نصايحكم لمثل هالحاله ابغى استقبال لاهل زوجي لان اول مره اسويها وعطوني افكاركم باي شي عن النفاس وخاصه ببيتي
hace 5 años
azizhm
تم
بنات انا مشكلتي بجسمي ووجهي نحيييف مره ولاهو عاجب زوجي مع العلم ان اكلي طبيعي الحمدلله بس اسمن ابد اللي تعرف شي يمتن لاتبخل علي وابي شي يكبر الموخره ويشد جسمي تكفون لاتبخلون علي
hace 5 años
azizhm
تم
اللي تقول اشتغلي لو مااحتاجها كان ماقعدت عندي يوم اصلا انا ماجابهالي الا يوم تعبت بديت مااتحمل الوقوف ولاالشغل وانا ماعندي لها مكان لان بيتي صغير واللي تقول رجعيها مااقدر ارجعها لان ماراح يجيب غيرها لانه كاره الشغالات بالاصل وعيالي مايقوم فيهم احد وهم صغار ..انا ابغى حل مع نظافتها بدون مااخسرها لان يمكن يطيح على شغلها زوجي ووساختها ثم يكرهني انا
hace 5 años
azizhm
تم
عزيزه من فضلك نزلي رسالتي راعيه القصه وزوجها بالسناب راسليني ع السناب هذا arar0018 باذن واحد احد انا اساعدك
hace 5 años
azizhm
تم
© 2024 صارحني - sarahah. Todos los derechos reservados.
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe