ما فيه اجابة معينة معتمدة عند الكل بشكل عام لا ما بأثر بصفته القرار طلع من وزارة التعليم العالي الجهة المعتمدة جوا وبرا الاردن .. بخصوص الوظيفة ممكن مرات يأثر بس بشكل خفيف كثير وحالات محددة مثل انه تكون مادة برمجة بايثون حاسبيتها ناجح راسب بالجامعة ف انه كيف بدك تتوظف/ي وانت/ي مش حاسب المادة بالجامعة !؟ .. افضلية ما فيه وما بيفرق ابداً بالترتيب ولا الالولوية .. بخصوص المواد فيه حالتين اول حالة فيه جامعات بتلزم انه الطالب يحسب علامة من العلامتين للمادة يعني مثلا انا قدمت مادة وجبت فيها 60 عدت المادة ونزلتها 65 وانا ما بدي احسبها لو حطيتها ناجح راسب باليرموك مثلا ما بتنشال من المعدل التراكمي وانما بحسبوا العلامة القديمة .. الحالة الثانية وهي الاشمل انه بما انه حطيتي ناجح راسب ف رح تنشال من المعدل التراكمي نهائياً .. اذا كانوا مواد تخصص ومهمين احسبيهم بس بالنسبة الي نظامي اي علامة اقل من التراكمي ولو بعلامة ما بحسبها ف انتي جربي احسبي المعدل التراكمي كم بصير وكم بطلع مع المواد وبدون المواد .. ونقطة ايا اهم اكيد التراكمي اهم بمراحل لانه هو اللي بحدد ومقياس لقبولك بالشغل او الماستر والدراسات العليا .. عدد الساعات الناجح راسب ما بيفرق لو 50 ساعة عادي ما بأثر .. وبالتوفيق ..