الحياة اقصر من انو تفقد رغبتك بيها ! الحياة مرة وحدة تعيشها ، الحياة فرصة ولازم تستغلها ... كلنا نمر بفترات نفقد بيها رغبتنا وهلشي طبيعي جداً ، ضغوط الحياة ومشاكلها هواي ومترحم . بس هذا مو معناها نستسلم وخلص .. الحياة هواي هواي احلى من انو نفقد رغبتنه بيها الگي شغفك و الشي الي يرجع رغبتك عن نفسي مريت بهل شي لمدة ٦ اشهر ! فقدت رغبتي وحُبي لكلشي بعدما جنت انسانه تستمتع بكل ثانية بحياتها ! بس كل يوم جنت احاول ارجع اعيش حياتي واتونس بيها والحمدلله مستسلمت ورجعت . لازم تعرف انو الحياة مو دايماً ع هوانا ومثل ما أنـتَ عندك مشاكل وضغوط غيرك عنده شي اتعس منك دايماً فكر انو وضعك احسن من غيرك ب اي شكل من الاشكال واحمد الله ع النعم العندك ، حس بالتقدير تجاه كلشي موجود بحياتك ، حيط نفسك بكلشي تحبه وسوي كلشي تحبه ، اترك اي شي او اي شخص ياثر عليك بطريقة سلبية او مؤذية ، خليك قنوع حتى تكدر تسمتع . حب نفسك وارضيها ❤️❤️ اتمنى هلفترة تمر عليك بشكل سريع وترجع مثل قبل واحسن وتتونس وتعيش احلى حياة❤️