لم أتمكّن من معرفتك):.! ولكن بالتأكيد أنّي أحمل لكِ في قلبي أضعاف ما تحملينه لي، لا حُرمتك💛💕.

يازين هالدّعوات.. آمّين وإيّاك أضعافها يارب💛✨.

سنابي خاص ليس عام والإنستقرام كذلك خاص ليس عام، شكرًا 🌱❤️.

ياكبـر حُبّي لك يالهنُّو بس💛💛 سؤالك جميل كجمآلك وجمال روحك💛💕، والله أطمح إني أطوّر من نفسي أكثر في عدّة مجالات قد ما أقدر، إني أتعلّم واخوض اشياء كنت مستصعبتها سابقًا ، أطمح كذلك للتغيير الإيجابي في بعض الأمور ، أطمح إني استزيد أكثر وأكثر في بعض العلوم بالأخص العلوم الشرعيّة والدينية وتفاسير القرآن ، أطمح إني قد ما أقدر أترك أثر حسن في كل مكان أخطو له .. هذا تقريبًا ما يحضرني الآن وأسأل الله التوفيق لي ولك ياجميلة💕.

بشكل عام نعم البيئة لهم تأثير عالشخص اجل ليش أمرنا الرسول عليه الصلاة والسلام بمجالسة الجليس الصالح والبُعد عن مُجالسة جليس السوء لأنه له تأثير ، لكن أنتِ تقدرين تثبتين على ما أنتِ عليه وعلى طاعتك والتزامك بتوفيق الله لك ،، لا تتضايقين أبدًا كثير أعرف مثلك وماشاءالله تبارك الرحمن من خيرة النّاس وكملوا طريقهم في الخير لا تيأسين ولا تُحبطين بالعكس هذا اختبار لصبرك على الطاعة وأنتِ بإذن الله على خير وفلاح بالدنيا والآخرة .. وليش تتضايقين وأنتِ الصح؟؟؟ بالعكس احمدي ربك إن هداك سوّي الحق ولا عليك من كلام الناس لا يودي ولا يجيب و يوم القيامة كل واحد راح يتحاسب على أعماله فماعليك من كلام أي أحد إذا عارفة إنك على صح خليك واثقة وفي آخر الزمان القابض على دينه كالقابض عالجمر ! الله لا يفتنّا ويهدينا لطريقه المستقيم.. ادعي إن ربي يثبّتك عالحق و انصحيهم وحاولي فيهم قد ماتقدرين واحتسبي الأجر من الله وصدقيني هم يعرفون إنك على حق لكن الهداية بيد الله سبحانه وتعالى .. وحاولي تحضرين محاضرات وتاخذين أي احد من اهلك معك او ترسلين لهم مقاطع مفيدة و تمسكي بالقرآن سجلي في أي تحفيظ قريب منك خذي خواتك وامك التحفيظ والحلقات تغيّر كثير بالشخص صُحبة الأخيار تعينك وتقوّيك عالخير بإذن الله حاولي تصاحبينهم.. وعليك بالدعاء الدعاء مثل ماقلت لك ماتدرين يمكن يكون هداية أهلك ومن تحبين على يدك بعد الله ، الله يحفظك ياحبيبتي ويثبّتك ويعينك على طاعته ورضاه ويكتب أجرك ويرفع قدرك ويسعد قلبك ويرضى عنك❤️.

هذا صورة الكتاب مره مره جميل، توني بالبداية وأحس اني استفدت وإن شاءالله بأصوّر لكم اقتباسات في كلّ مره💕.

ياحبيبتي الشرف لي طبعًا الله يسعد قلبك💕💛💛.." حلُو سؤالك مره جميل 🌿.. والله من عرفت نفسي أمي تاخذني معها التحفيظ الله يغفرلها و عندي شهادة وانا بالتمهيدي محتفظة فيها للآن 😂.. صراحة أبوي الله يطول بعمره ويحفظه وأمي الله يرحمها هم اللي وجهوني لهالشيء وحفزوني وشجعوني كثير كثير ما أنسى أبدًا فضلهم بعد الله من صغري لين كبرت عليه ولين ختمت .. الله يجزى والديني عنّي خير الجزاء لهم الفضل بعد الله سبحانه وتعالى الله يكتب لهم الأجور ويضاعفها لهم ويجزاهم بالفردوس الأعلى يا حيّ ياقيوم💕.. بالنسبة لسؤالك الثاني جاني على بالي على طول سورة الزمر ، ما أدري احس اذا قريتها بشعور غير ورهبة وشوق للقائه سُبحانه😭 خصوصًا آخر وجهه .. أسأل الله أن يجعلنا ووالدينا ومن نُحبّ من أهل الجنة ويرزقنا لذة النظر إلى وجهه الكريم♥️.

وهّ بس شهالمشاعر الصباحيّة اللطيفة يخختي💛. وأنا أكيد إني أحبّك بعد، ماعندي ردّ على جمالك أبد 🥺💛💛💛💛💛💛. اللهم آمين وإيّاك الله يجعل لك من دعواتك أوفر الحظ والنصيب🌿.

قلبي والله💛 أحبّك الله الذي أحببتيني لأجله، كلامك أسعدني الله يجعلني خير مما تظنين ويغفر لي مالاتعلمين وتأكّدي أكيد إني أبادلك الشعُور الحلو هذا♥️.. اللهمّ آمين يا أكرم الأكرمين .🌿

ياحلوك الله يسعد قلبك """". شُكرًا يا لُطف❤️❤️. أحبّك الله ورضيَ عنك وأرضاك❤️.