بحس اني مش مهمه لحد او مش بحس انا متأكده حسه ان محدش بيحبني محدش بيسال عليا محدش مهتم يعرف انا كويسه او لا عايشه ولا لا عمر محد جيه سالني ازيك ولا نفسيتك حاجه مديقاكي محدش بيتكلم حد يهزر ولا يقلي نخرج ولا حد عمره فكر يقولي حاجه عنه ابدا انا من النوع الانطوائي ومبحعرفش افتح كلام ومبعرفش اعبر عن مشاعري ومش متعوده احكي حاجه عن نفسي لحد حتي ماما مفيش حد يعرف حاجه عني حرفيا محدش حتي فكر يسالني بتحبي واي ولا نفسك في اي ولا بتزعلي من اي وانا لو مدايقه من حد عمري مهعرف اقوله بكتم في نفسي بس بفكر في الي قدامي اكثر من نفسي وطول عمري بحاول معترفش بالموضوع بس بجد انا بكره الحاجه ديه في نفسي بس مش عارفه اصلحها بخاف الي قدامي يزعل وباجي علي نفسي حتي لو هزعل عشانه بجد اول مره اطلع الي جوايا حسيت اني لازم اطلع لاني بجد بقيا بكره نفسي من جوا مبقتش طايقه اعمل اي حاجه وشكرا يا اروي بجد انتي من اكثر الناس الي بحبها وبرتاح معاها وفرحانه اني اقدر اطلع الكلام ده

بسم الله الرحمن الرحيم بصي ولا الانطوائي مستريح و لا الاجتماعي مستريح حاولي يبقي ليكي اصحاب ازاي يبقي ليكي صحاب مثلا لو بتنزلي مدرسه او جامعه او دار او كورس شوفي جروب يكون كويس شبهك الي حد ما اقعدي معاه شوفي بيتكلموا في ايه و اتكلمي معاهم حاولي تشاركي معاهم جربي مره إنك تسألي علي اكبر عدد من صحابك اكيد ان شاء هيطلع منهم واحد اتنين تلاته بعد فتره يسأل عليكي لو حصل فعلا ان حد من ال انت سألني عليه سأل عليكي انت كمان اسألي عليه و كده ممكن تتكون بينكم علاقه صداقه بعد ما كنتوا زمايل مثلا حاولي تركزي اكتر علي قرايبك لو هما شبهك بنت خالتك بنت عمك اختك عشان عاده بيكونوا اقرب ناس لينا و شبهنا عاده مش ديما قوللهم عرفوني علي صحابكوا او لو هما فيه فرق كبير قوللهم مثلا لو عزموا اصحابهم يجيبوا اخواتهم معاهم و تقعدي معاهم و تخطلطي بالناس و واحده واحده هتعودي حاولي لو رحتي مكان او كده و لقيتي حد لسه جاي جديد نفترض مثلا المدرسه واحده جايه جديد واحده بردو انطوائيه روحي اتعرفي عليها و بعديها ممكن تبقوا صحاب انا مثلا كنت انطوائيه جدا و مكنش ليا صحاب خالص و كنت لسه ناقله المدرسه جديد و كده كنت ٢ ابتدائي و كنت كل يوم برجع اعيط لماما ان انا مش عندي صحاب قعدت تقولي اتعرفي حولي و انا مكنتش عارفه خالص قعدت سنه كامله و لا بعرف حد و لا حد يعرفني لحد في ٣ ابتدائي جت واحده جديده المدرسه اسمها ندي غالبا هتقرأ ده 😂 و عشان انا انطوائيه كنت قاعده في دسك لوحدي فالمستر خلي ندي تقعد جنبي بقينا نقعد مع بعض في البريك و كده و هي الحمد لله كانت اجتماعيه عرفتني علي بقيت الدفعه 😂 و انا و هي الحمد لله لسه صحاب مقربين كمان و انا داخله اولي جامعه مع ان كل واحد فينا في مكان مختلف خالص الخلاصه حاولي تختطلطي بالناس علي قد ما تقدري و وحده و حده هتعرفي لو انت مش بتحكي حاجه لحد خلي ليكي دفتر مذكرات اكتبي فيه دي حاجه تحفه عن تجربه و بلاش حتي لو بقيتي اجتماعيه متحكيش لحد كل حاجه او اسرار بيت او كده حتي لو كنت واثقه فيه لان طول ما انت بتخطلطي بالناس و كده فيه ال هتتصدمى فيه فعشان ميحصلش كده و ترجعي انطوائيه خلي العلاقات علي الحروف علي قد الهزار و الخروج من المود و لو فيه حد قريب ليكي و خلاص ان شاء الله تكوني استفادتي