Arwa Elmashad

بسم الله الرحمن الرحيم بصي ولا الانطوائي مستريح و لا الاجتماعي مستريح حاولي يبقي ليكي اصحاب ازاي يبقي ليكي صحاب مثلا لو بتنزلي مدرسه او جامعه او دار او كورس شوفي جروب يكون كويس شبهك الي حد ما اقعدي معاه شوفي بيتكلموا في ايه و اتكلمي معاهم حاولي تشاركي معاهم جربي مره إنك تسألي علي اكبر عدد من صحابك اكيد ان شاء هيطلع منهم واحد اتنين تلاته بعد فتره يسأل عليكي لو حصل فعلا ان حد من ال انت سألني عليه سأل عليكي انت كمان اسألي عليه و كده ممكن تتكون بينكم علاقه صداقه بعد ما كنتوا زمايل مثلا حاولي تركزي اكتر علي قرايبك لو هما شبهك بنت خالتك بنت عمك اختك عشان عاده بيكونوا اقرب ناس لينا و شبهنا عاده مش ديما قوللهم عرفوني علي صحابكوا او لو هما فيه فرق كبير قوللهم مثلا لو عزموا اصحابهم يجيبوا اخواتهم معاهم و تقعدي معاهم و تخطلطي بالناس و واحده واحده هتعودي حاولي لو رحتي مكان او كده و لقيتي حد لسه جاي جديد نفترض مثلا المدرسه واحده جايه جديد واحده بردو انطوائيه روحي اتعرفي عليها و بعديها ممكن تبقوا صحاب انا مثلا كنت انطوائيه جدا و مكنش ليا صحاب خالص و كنت لسه ناقله المدرسه جديد و كده كنت ٢ ابتدائي و كنت كل يوم برجع اعيط لماما ان انا مش عندي صحاب قعدت تقولي اتعرفي حولي و انا مكنتش عارفه خالص قعدت سنه كامله و لا بعرف حد و لا حد يعرفني لحد في ٣ ابتدائي جت واحده جديده المدرسه اسمها ندي غالبا هتقرأ ده 😂 و عشان انا انطوائيه كنت قاعده في دسك لوحدي فالمستر خلي ندي تقعد جنبي بقينا نقعد مع بعض في البريك و كده و هي الحمد لله كانت اجتماعيه عرفتني علي بقيت الدفعه 😂 و انا و هي الحمد لله لسه صحاب مقربين كمان و انا داخله اولي جامعه مع ان كل واحد فينا في مكان مختلف خالص الخلاصه حاولي تختطلطي بالناس علي قد ما تقدري و وحده و حده هتعرفي لو انت مش بتحكي حاجه لحد خلي ليكي دفتر مذكرات اكتبي فيه دي حاجه تحفه عن تجربه و بلاش حتي لو بقيتي اجتماعيه متحكيش لحد كل حاجه او اسرار بيت او كده حتي لو كنت واثقه فيه لان طول ما انت بتخطلطي بالناس و كده فيه ال هتتصدمى فيه فعشان ميحصلش كده و ترجعي انطوائيه خلي العلاقات علي الحروف علي قد الهزار و الخروج من المود و لو فيه حد قريب ليكي و خلاص ان شاء الله تكوني استفادتي

بسم الله الرحمن الرحيم بصي انت سبب كرهك ليهم التراكمات ان حاجه علي حاجه و انت قعدتي تستحملي و تعدي و بعدين الواحد بيوصل لنقطه بقي خلاص انا كرهتم لازم تبقي عارفه ان فيه ناس فرضت علينا في حياتنا زي عيلتك بوجه عام مش انت ال اخترتيها و خاصه لما تكون اسرتك انت ممكن مخترتيش اسرتك بس اخترتي ازاي تتعملي معاهم حاولي بقدر المستطاع تبعدني عن اي مشكله اشغلي وقتك بحاجه مفيده سواء من علي النت او انك تنزلي حاولي تحسني علاقتك باختك و كده انك تشاركي وقت كبير من يومك معاها ساعتها هي ممكن ال تقف لمامتك حاولي من النهارده انك ابدأي صفحه جديده خالص في معاملتك معاهم افتكري انك مخترتيش اهلك بس اختارتي تتعاملي معاهم حته اخوكي و كده اعتقد ده في كل بيت انا معنديش اخ ولد كبير بس انت عارفه النقطه دي بتكون في اغلب البيوت شويه الخلاصه ابعدي عن المشاكل اشغلي يومك قربي من اختك متحطيش في دماغك اني كرهتم يبقي خلاص لا زي ما قولتك دول اسرتك مش هتعرفي تغيريها حطي في دماغك ازاي اتغير معاهم ازاي اخليهم يتغيروا معايا انت فاهمه و عارفه شخصيتهم بشكل اكبر مني اعتقد ان شاء الله لو استعنتي بالله و صليتي كده ركعتين و دعيتي ان ربنا يرزق التعامل معاهم الكويس ان شاء الله خير و ادعي ان ربنا يرزقهم حبك و ترزقي حبهم من الحاجات بردو ال بتسبب مشاكل انك مثلا تردي علي مامتك ان باباكي حاولي مترديش خالص و بصراحه دي حاجه عايزه مجاهده نفس شويه بس حاولي و ابدائي صفحه جديده وطبعا لو عرفتي تواجهيهم يبقي افضل

قلبيي😂♥️

😂😂♥️