والله يادكتور كنت اتمنى انو انشرح لنا الاندو زي الناس اتنكبنا سنتين من ورى دكتور سيما في اللابات حتى كنا مانقدر نستفسر في اللاب نروح لدكتوره نيفين الله يجزيها الجنه اتحملتنا عشان ماتستحقرنا او تقلل من تفكيرنا صعب انو حتكون دكتور وتنعدم ثقتك في نفسك بسبب كلمه او ردت فعل دكتور عليك و العيادات و من غير اسئلة الاندو اللي تجينا من المريخ طاحت معدلتنا الله كريم بس ..
شخصيا تعاملت معاك مرة او مرتين و اثبت لي احترامك و تفاهمك و تعاونك طبعا كله في نطاق الكلية .. عمليا تعتبر قدوة لي في الاندو اللي هو تخصص المستقبل بالنسبه لي .. حببتني في الاندو بطريقة محاضراتك و سهوله شرحك لها .. ممكن يوم من الايام نكون اصحاب عمل في جامعة طيبة او خارجها .. اتمنى ذلك .. أثق تماما انو عندك اشياء كثيرة تبغى تقدمها للكلية .. باختصار الكلية معاك كل سنه تتطور اكثر من اللي قبلها .. لكن هاذي اخر سنه لنا صدقني راح تبقى ذكرى جميله .. وفقك الله لما يحب و يرضى ..
أحب أشكرك ي دكتور ع اللي سويته اليوم وتقبلك اقتراحاتنا عن موضوع المحاضرة وهذا يدل على مدى فهمك واستيعابك لفكرة التعليم أتمنى تطبيق الفكرة على جميع المحاضرات المتبقية لانه فعلاً شيء مفيد للطالب ويجذب انتباهه لانه مبني على رغبته وهذا شيء يحسب لك ي دكتور أكرر شكري وامتناني