و عليكم السلام ورحمه الله وبركاته بصي مبدئيا كدا الايجار لما بيزيد بعد انتهاء المدة بيزيد 10% فقط يعني لو بتدفعي 2000 هيبقوا 2200 و لو بتدفعي 3000 هيبقوا 3300 تمام تاني نقطة بقى المثل بيقول يعيش البجح على قفا المكسوف و بيقول كمان اللي ما تتكسفش منك ما تتكسفش منه يعني هي مش بتتكسف و هي بتسأل انتي كمان ما تتكسفيش و قوليها و انتي مالك دا أمور خاصة ماحدش بيسأل حد في اكل و لا شرب دا حاجات داخلة المعدة لو اتنظرت هتجيب المرض وقفيها عند حدها و اعملي حدود بينك وبينها وبين اي حد لازم يكون عندك خصوصية و شخصية تحمي الخصوصية دي مش من حق اي حد يتدخل في شئون حياتك ايا كان هو مين رايحة فين ما ترديش اصلا عليها هي مش ولية امرك عشان تسألك ولو عادت السؤال قوليلها مشوار خاص مش لازم تعرفيه و لو زعلت تتفلق كبري دماغك أما جو هتكسف ومش هعرف اعمل كدا يبقى هتفضلي طول عمرك كدا معاها و مع غيرها ملكيش خصوصية و حياتك على الملاء اعرفي و وقفي كل واحد عند حده و قوليلها أنا مش بسألك لا رايحه فين و لا جاية منين و عندك اكل ايه لانه شئ ما يخصنيش وانا كمان حياتي ما تخصكيش ياريت كل واحد يلزم حدوده و خلينا جيران وعلى فكرة لو بتدخل بيتك بحجة تقعد معاكي مرة دخليها و مرة ما ترديش عليها ولو سألت قولي ما اخدتش بالي مرة في مرة هتلم نفسها و تعرف انها غير مرغوب فيها و خليكي فاكرة ليعيش البجح على قفا المكسوف اتمنى ليكي كل الخير 🥰🥰🥰