Seham Ebrahim

خمس سنين مو فترة قليلة، وكلامك أكيد جرحها وخلاها تشك بمكانتها عندك. نصيحتي إلك قبل ما تحاول ترجعها، اسأل حالك إذا إنت فعلاً بدك ياها شريكة لحياتك، ولا بس زعلان لأنك خسرتها. إذا متأكد من مشاعرك، احكي معها بصراحة ووضحلها شو صار معك واعتذر منها، بس لا تضغط عليها. وتذكر إنو الثقة إذا انكسرت بدها وقت وأفعال حتى ترجع، ومن حقها تقرر إذا بدها تعطي العلاقة فرصة تانية.

الله يسعدك يا رب 🤍 أول شي ما في سر معين، اللغة بدها وقت وصبر وممارسة. أنا لما جيت عالسويد ما كنت بعرف ولا كلمة سويدي، بس كنت دايما حاول أحكي حتى لو غلطت، وما كنت أخجل من أخطائي. أكتر شي ساعدني إني ما اكتفيت باللغة يلي كنت اتعلمها بالمدرسة، كنت حاول استخدمها بحياتي اليومية وأتعلم كلمات جديدة كل يوم. ونصيحتي إلك لا تخافي من الغلط، ولا تقارني حالك بغيرك. كل شخص إلو ظروفه وسرعته بالتعلم، والمهم تستمر/ي وما تستسلم/ي. وتذكر/ي إنو ما حدا بيولد وهو بيعرف لغة، كلنا تعلمنا من الصفر

قصتك أثرت فيني💔 أول شي الحمد لله على سلامتك، والله يشفيكي شفاء تام ويعوضك عن كل لحظة وجع وتعب مريتي فيها. 🤍 حابة قلك إنك قدوة لكل شخص عم يمر بظروف صعبة، وإنك لليوم عم تكافحي وتتمسكي بالأمل رغم كل يلي مريتي فيه، هاد دليل على وعيك وقوة إرادتك وإيمانك. المرض ممكن يغير كتير أشياء بحياتنا، بس أحياناً بيعلمنا قيمة أشياء كنا نعتبرها عادية، وأهمها الصحة. وبنفس الوقت تذكري إنك مو مضطرة تكوني قوية كل يوم، ومن حقك تتعبي وتضعفي أحياناً والناس يلي بقيو حدك هنن الناس يلي بتحبك. بتمنى من كل قلبي إنك تتعافي تماماً، ويكون رجوع شعرك بداية لأيام أحلى وصحة أفضل. وشكراً لأنك شاركتي قصتك، أكيد رح تكون مصدر أمل وقوة لناس كتير. ادعولها بالشفاء 🤍

أول شي الله يردلك أخوكي/اخوك سالم ويطمن قلبك وقلب أهلك عليه يا رب 🤍 بعرف إنو ما في كلام ممكن يخفف وجع الانتظار، وخصوصاً لما يكون الشخص غايب وما منعرف عن مصيره شي.بس في شغلة حابة قلك ياها، إنت مو مطالبة توقفي تفكير بأخوكي أو تنسيه، لأنو هاد الشي مو بإيدك. بعلم النفس في شي اسمه Ambiguous Loss، يعني (الفقدان الغامض) وهو لما نفقد وجود شخص بحياتنا من دون ما نعرف شو صار معه. وهاد النوع من الفقدان صعب لأنو الإنسان بيضل عايش بين الأمل والخوف. نصيحتي إلك لا تحملي هالوجع لحالك، احكي مع شخص بتوثقي فيه، واسمحي لحالك تكملي حياتك من دون ما تحسي بالذنب، ابكي عادي المهم ما تعيشي بهالطريقة. وإذا في إمكانية، تواصلوا مع الجهات المختصة بالبحث عن المفقودين. وتذكري إنو ضحكتك مو خيانة لأخوكي، وراحتك مو معناها إنك نسيتيه، وحياتك ما لازم توقف حتى يضل حبك إله موجود. اخوكي/ك اكيد لو كان موجود كان رح يطلب تكون/ي بخير. الله يجمعكون فيه على خير ويطمن قلوبكون 🤍

https://socworker21.sarahah.pro هي الرابط تفضل

يا مبدع شكرا لرسالتك😅 ما الي كتير بالتكنولوجيا بس بحاول هلا اعملو، ما فيك تعمل حساب Fake وتساعدني نحل المشكلة كلها. فيك تفوت تعمل فتلة بالصفحة وتشوف اني ما مشاركة اسم اي حدا وحتى لو بعرفك ما ممكن حدا يعرف عن يلي حكيناه.