انا اتخطبت لشخص كنت بحبه جدااا من بعيد لبعيد عمري ماقولتله ويشاء في يوم لقيته بيكلمني يجي يخاطبني كنت طايره من الفرحه وفعلا اتخطبت واول كام شهر ابتدي يطلب مني فلوس انا لسا ماقبطش مع انه مدياا كويس مره علي مره علي اني انا ادفع حق الخروجه الدنيا اسودت في عيني منه ومابقتش طيقاه بعد كده عرفت انه كداب في حاجات كتير ماعندهوش ثقه في نفسه شيفني كتيره عليه ودي كلمته ديماا كان يقولي مغروره ماعرفش ليه بس انا كنت بقفل منه كرهت الحب والجواز طبعا فشكلت الخطوبه وصلني لمرحلة كرهني اي شخص حتي اديله فرصه للارتباط قفلت باب كل حاجه في حياتي بسببه ومش عارفه اتخطا الموضوع نهائى

أولا طبعا الحمد لله اللى خلاكى تفهمي وتدركي المشكلة قبل الانخراط فيها بشكل أكبر واللى انت شايفاها محنة دى هى أكبر المنح من الله بس خلينى احللها بشكل نفسي يبدو إن علاقتك بولدك مش كويسة او هو متوفى أو مسافر أو مطلق والدتك وده مخليكى شايلة مسؤلية على الارجح إنت الكبيرة فى اخواتك أو اخواتك مش شايلين مسؤلية فبتتصرفى على إنك الكبيرة وده عزز عندك احساس الأمومة وده اللى استغله خطيبك السابق فى انه يحقق منك الاستغلال المادى والعاطفي بل وقد يتطور للاستغلال الجنسي لذلك أنا شايف أن الصدمة اللى حصلت دي ميزة مش عيب لأنها هتساعدك تفهمى الناس أكثر بس احنا مش محتاجين نلوم نفسنا فى الوقت الحالي بقدر ما نحترم مشاعرنا أكثر وندي مساحة لمشاعرنا بالحزن انها تخرج وبعدين نفهم المشكلة وازاى نتجنبها بعد كده وممكن نلجأ لمتخصص يساعدنا على تخطى الأزمة وفهم مشاعرنا بشكل صحيح وبعد كده الاحساس الحالى بعدم الرغبة فى الارتباط والزواج هيختفى نصيحة أخيرة : خلى ربنا منهج فى حياتك وخلى الخطوبة والارتباط والشغل وكل شئ من ناحية الدين صدقينى هترتاحي كثير لان اللى هيتقى ربنا في نفسه ربنا يرزقه باللى يتقي ربنا فيه