لين جاوبي احكيلي كيف اتخلص من التفكير الزائد عقلي شغاال دايما بأصغر الامور لو حتى مشكلة صغيرة وسلبية تسيطر على يومي كله ادرجة بلشت أحسه انه وسواس نفسي حتى لما اجي اسعد نفسي احتار شو اعمل حياتي فارغه حتى من الاصدقاء

بصراحة مابقدر أجامل هاد الشعور برضو أنا أحيانًا بعيشه ولكن انا مقتنعه تمامًا أنه عقلنا بحاجة ليرتاح مش بس الجسم بدو راحة برضو العقل ، التفكير السلبي ، القلق ، مشاكل الشغل ، فقدان الشغف هاد كله بيوخد من راحة عقلنا وصحتنا ونحنا قاعدين بمكانا القاعدة الاولي والاخيرة نتعلم انه نفصل الفصلان جدًا مهم نفصل الشغل عن البيت عن الاصدقاء عن حياتنا كل ظرف بيوخد مكانه الخاص .. باللحظة اللي يسيطر علينا التفكير السلبي نعمل كل الاشيا اللي بنحبها المخالفة للشي اللي بنفكر فيه هاد مش مهرب بس نروق ع حالنا شوي ونريح حالنا لإنه نحنا بنستاهل 😍 بعد الفصلان والروقان نكون قادرين نلاقي حلول ، كلشي سلبي بنفكر فيه لو كتبناه ع ورقه وكبيناها شو حيصير ! ونقوم نصلي وندعي ربنا مو غلط لو بكينا ونحنا بندعي بنرتااااح كتييير كتييير لو قمنا ركضنا لعبنا رقصنا شو حيصير ! نسمع ميوزك نهتم بصحتنا وشكلنا ، نسافر ازا كان في مقدرة او نروح مكان طبيعة كله خضار منظر مريح للعين هاد كفيل يخلينا نحسن من نفسيتنا لو 50‎%‎ لو شفنا اصدقاء تقال دم وفرفوشين متلي 😂 وننجن سوا شو حيصير ! اليوم اللي بروح ما عم يرجع فخلينا نعيشه بحلاوته ومرارته ماحدا حياته بيرفكت كلنا بنعيش هي الظروف بس لازم ندوس برييييك 🤍 مش شرط يكون حكيي صح وينطبق ع الكل بس ممكن يكون خيار مناسب