ايه مفهوم قله الأصل عندك او ايه اللي يخلي شخص قليل الأصل بالنسبالك؟

والله الموضوع ده كبير اوي والكلام فيه عمره ما هيخلص لان الاصول مبتتعلمش يا بتتولد بيها وتعيش بيها يا هتفضل طول العمر تسمع عنها وانا مش بقتنع بأن فيه حاجه اسمها قله اصل لان الاصول يا موجوده يا لا يا اصيل يا لا بس نفرض ان فيه قله اصل ممكن اختصرها واقول انه شخص ميتامنش ولا يتعاشر تتوقع منه يعمل اي حاجه في اي وقت ومع اي شخص لانه ملوش عزيز او بمعني تاني الاصول والخير صفات الكل عارفها وربنا وصانا بيها نقدر نعتبر ان الاصول هي كل الصفات الحلوه وفيها خير علي هيئه جذور ثابته فالارض مهما حصل ومهما عدي الزمن المواقف الجذور ثابته و زي ما هي في كل الحالات عشان كده اسمه اصيل معدنه ثابت مبيتغيرش اما قله الاصل وقليل الاصل لأ عكس كل ده ملوش جذور وميعرفش عنها حاجه خالص اخره يسمع عنها ويمكن يحاول يمثل انه اصيل بس نعمل ايه الطبع غلاب مبيعرفش يمثل حتي يعني رايح مع الرايح وجاي مع الجاي عشان كده بقت قله اصل