حبيبتي عايزه اخد رايك في حاجه انا متجوزه مكملتش سنه ومعايا بيبي لسه مولود من شهرين المهم نقلت من ايلد اللي اتجوزت فيها وجبت الغردقه علشان شغل جوزي هو بقالو فتره يجي من الشغل ياكل ويدخل ينام ومش بيقعد معايا واكتر من مره يلاحظ اني مخنوقه من كد يقولي علشان الشغل وفتره وتعدي علشان لسه جايين جديد وكد مع انو بيعمل فلوس حلوه وبيجي مبسوط من برا وانا بحبو و هو بيوحشني جدا حتى و هو برا م بيفكر يرن يسأل عليا بيرن قبل ما يجي يشوف لو في حاجه ناقصه في البيت اقتراحي عليا ممكن اعمل اي يخليه يرجع زي الأول ملهوف انو بكلمتي ويقعد معايا وديمن عندي احساس ان في حد تاني م عارفه لي وم عارفه اسيطر على زعلي من النقطه دي واسفه في اللي هقولو ساعات بحس انو م حابب يلاقيني قريبه منه

بصي هقولك هو الموضوع بأختصار ان في تغيير في حياتك تغيير شامل من بيت جديد لبلد جديدة لبيبي جديد مسؤل منك بصي طبيعي يحصل كدا كويس ان الموضوع مجرد بس قلة اهتمام مش مشاكل وخناق عادي هو اكيد مضغوط من الشغل ومش بيلاقي وقت يكلمك وبيرجع تعبان فا بينام انتي ممكن تتكلمي معاه في نقطة انه المفروض يخصصلك يوم في الاسبوع يخرجك فية عشان مخنوقة من قعدة البيت والبيبي وكدا وبالراحة بطريقة حلوة بينيلو انة واخدة علي خاطرك منة انه مبقاش يهتم بيكي وانة بيوحشك ومش بيكلمك وكدا وحاولي لما يكون راجع من الشغل يلاقي حاجة تخلية يقعد ومينامش اللي هو تكوني مظبطة البيت وعاملة اكل ونيمتي البيبي او حتيي لو منامش عادي يكون هو كمان واخد شاور ونضيف وريحتة حلوة🥰وتكوني مظبطة نفسك ولابسة حلو ووريحتك حلوة متحسسيهوش انك اهملتي نفسك لما خلفتي انا اكتر. حاجة بجد بحاول اخلي بالي منها اني مخليش الخلفة تأثر علي اهتمامي بنفسي بجد نفسيتي بتبقي وحشة اوي لما بهمل نفسي هو اول بيبي بيبقي صعب شوية لا شويتين بس واحدة واحدة هتتعاملي جربي اعملي كدا لو محصلش تغيير يبقي في حاجة عنده هو اتكلمي معاه ممكن ساعتها قوليلي ونشوف حل