سؤال مجهول
سارة ممكن نصيحة؟ أنا أشارك زوجي كل تفاصيلي البحثية خصوصا إن مشرفي رجل وليس امرأة، ومو عشانه رجل أشاركه وكذا لا والله من بداية الدراسة وأنا أشاركه عادي يعني وأستفيد منه في حاجات يعني.. المهم طوال فترة البحث والإشراف والمراسلات عادية.. ليلة المناقشة أرسل لي رسالة توصية بالهدوء وعدم المناقشة الا إذا طلبو مني المناقشين وكذا رسالة محترمة الكلام مافيه شيء يعني.. لكن آخرها حطلي رمز ورود :) مدري استثقلتها خصوصا مابيننا في المراسلات اطلاقا رموز وكذا، وأنا ما علمت زوجي لأني أنا تضايقت ومتأكدة بينزعج من هالشيء هل أعترف له وللا كذا غلط وجالسة أصب الزيت عالنار؟ جد محتارة وأنا من النوع اللي ما أخبي شيء عن زوجي والله ما أرتاح زي وضعي الآن أحس فيني ضيقة قد مايكون الشيء تافه ما أحب 🌚💔 يمكن لأني مو متعودة أخبي فالشيء حاسته كبير!؟ أنصحيني واللي عنده خبره في الأمور هاذي جد يكتب برضه حابة اتعلم كيف اتصرف في موقف زي كدا
طنشي يابنت الحلال، ودام إنه محترم فخلاص، وممكن ووارد جداً وضعها بالخطأ، لاعتياده عليها، وهذه حصلت لي، كنت أراسل دكتور بين فترة وأخرى لبعض المسائل، بكلام رسمي جداً ويرد كذلك، وفي مرة من المرات فصّل لي الرد على إجابات، وكنت يومها مشغولة لكن أريد شكره، فشكرته ووضعت ثلاث قلوب🤦🏻♀️ "💛💛💛" وهذه عادتي مع الصديقات، وأقفلت الجوال وبعد ساعة أردت مراجعة إجاباته فرأيت الخطأ الفادح😣😖، يومها بغيت الأرض تنشق وتبلعني، وهو رأى الرسالة ولم يرد، فاعتذرت بخجل شديد، وقبل الاعتذار، لكن من بعدها لم أستطع مراسلته خجلاً والله، مع أني كنت أستفيد منه جداً،.. فيعني من خلال قصتي الطويلة طنشي وامسحي الرسالة حتى لا تتذكريها، ومايحتاج بعلك يعرف شيء..