عاوزه اخاد رايك ف موضوع انا متجوزه ومعايا طفله وكل يوم خناق مع جوزي بسبب المصاريف مع اني مش محتاجه بس هو واخوه شرك بس انا بتخانق انه مش بيدخل مرتب مع انه مش بيعوزني حاجه كل حاجه تحت ايدي والحاجه ال بطلبها منه بيجبهالي حاجتين كل شويه يقولي انتي مش مهتمه بنفسك ولا بيا ولا حتي بنضافه الشقه وبرغم دا بيكون جاي م شغله ويساعدني عادي ف شغل البيت وبيكون تعبان وانا م ساعه م جبت النونو وانا مش بهتم ب خالص ويمكن م قبل وانا حامل نفسيتي مدمره لا عارفه اهتم ب ولا بشغل البيت ولا حتي الاكل بعمله كل اكلنا م برا يدوب ع التحمير وبس انصحيني الله يخليكي اعمل ايه حتي لو هتردي عليا م غير م تنزلي الرساله

بصي انا فهمت كلامك كويس وحاسة بيكي لأن كلنا بنمر بالحاجات دي بعد الخلفة بصي انتي بتقولي ان جوزك مس بيخليكي محتاجة حاجة دي نقطة مهمة طلما هو كويس معاكي ومش مخليكي محتاجة حاجك خلاص متتكلميش معاه في مرتب وخليكي عايشة معاه علي الحلوة والمره والمره قبل الحلوة لو موضوع المرتب دا بيضايقو انك بتتكلمي فية فا خلاص بلاش تتكمي معاه فيه خالص او مثلا اختاري الوقت المناسب اللي تتكلمي معاه فيه وهو رايق قوليلو مثلا اية رأيك تديني مصاريف البيت بتاعت الشهر وانا اخليهم معايا ونبقي عارفين احنا بنصرف الفلوس في اية ونقسمها عشان نمسك ايدينا شوية هاتيهالو بطريقة حلوة اما بقي موضوع البيت دا انا حاسة بيكي جدا لأني بعاني من نفس الموضوع وانا لما البيت بيكركب نفسيتي بتبقي وحشة ومش ببقي طايقة نفسي بس بتصرف بدي بنتي لحماتي لأختي لأي حد تبعي لغاية ما انضف البيت واظبط نفسي وهقولك علي حاجة مهمة الراجل اكتر حاجة تخلية يحب البيت لما يلاقي بيتة نضيف وريحته حلوة والست اللي معاه مهتمة بنفسها هقولك علي حاجة مش شرط تاخدي وقت في الاهتمام بنفسك كفاية انه يرجع من الشغل يلاقيكي واخدة شاور ونضيفة وريحتك حلوة وحاطة ميكب خفيف لو زبدة كاكاو حلوة والله😅❤️ اصحي من النوم اغسلي وشك واسنانك وسرحي شعرك وحطي برفيوم زبدة هتبقي قمر اول ما البيبي ينام اعملي اي حاجة حاولي علي اد ما تقدري معلش تعالي علي نفسك انا صدقيني ساعات بقعد باليومين منامش بسبب بنتي وشغل البيت وضغوط من كل النواحي حاولي تفصلي من كل دا لما تتعبي اديها لأي حد من قرايبك واعملي اللي وراكي وصدقيني فترة وهتعدي اما بالنسبة لموضوع الاكل فا هو الحوار صعب انك تعملي دايما اكل بالبيبي فا حاولي كل ما تقدري اعمليلو اكل ولما متقدريش هاتي من برة مرة كدا ومرة كدا متخليهوش يحس انك مش قلبك علية وانك اخدتي علي انك متعمليش اكل لأن اكل برة ميزانية لوحدة انا فاهمة دا لأني بعاني من نفس المشكلة 💔مش بعرف اعمل اكل دايما ومبحبش كمان اكل برة اوي واكتر حاجة هتفرق في نفسيتة لما يرجع بلاقيكي بشوشة في وشة بتضحكي وتهزري معاه لابسة حاجة حلوة هو بيحبها كلها حاجات بسيطة مش هتاخد منك وقت ومتتكلميش معاه في اي حاجة تضايقة لما يكون لسة راجع من الشغل ولا تتخانقي معاة جربي اعملي بنصيحتي وشوفي يمكن تنفع ولو في حاجة حابة تقوليها تاني ابعتيلي وهرد عليكي