سؤال مجهول

ياااه اسلام 😂💔 انا بالصدفه لقيت لينك صراحه بتاعك كنت شيلاه عندي من زمان بس قولت اقولك كلمه اخيره قبل ما امسحه، شكرا، لا حقيقي شكرا ليك علشان خليتني افوق لنفسي و اعيش حياتي، انا اتوجعت فعلا يوم ما سبتني لكن بعدها كل حاجه رجعت زي الاول و احسن مليون مره اه والله، و مش هعيش دور الضحيه و المظلومه و ان انت اللي جرحتني علشان انا اللي جرحت نفسي و كنت غبيه كنت غبيه اوي قسما بالله اني سمحتلك تاخد من طاقتي و صحتي و توجعني اكتر من مره و اسامحك علشان قال اي علشان بحبك، ياخي يلعن ابو قلبي علي ابو اليوم اللي حبيتك فيه علي ابو اليوم اللي دخلت حياتي فيه، انت نقطه سودا في حياتي قسما بالله، و انا لو زعلانه زعلانه علشان اللي عملته علشانك و انت بسهوله سيبتني في اكتر وقت كنت محتاجاك فيه و انا كنت ببذل اقصي ما عندي علشان اشيل عنك لو لقيتك زعلان، بس وحياة كل دمعه نزلت من عيني عمرها ما هتتكرر و لا هرجع لواحد كسر قلبي و اتخلي عني و جه علي كرامتي، تعرف والله والله انت مبقتش بتيجي في بالي ولا بقي ليك ولا صوره معايا و لو لقيت مثلا شات لينا بضحك وحياة ربنا بضحك بس بضحك علي خيبتي و ببقي عاوزه اضرب نفسي مليون قلم و اني ازاي كنت بحبك كدا و اي القرف و السذاجه اللي كنت فيه دا و انا لي كنت بحبك يعني حقيقي بقعد افكر كدا كنت بحبك لي، قال و ازعل و انهار و اقعد بالايام ماكلش و اعيط و استني جنابك لما ترجعلي، انا دلوقت بس جايه اقولك اني خلاص فوقت و اتعالجت واهتميت ببشرتي و جسمي و خلاص انت بقيت كارت محروق بالنسبالي و مش فاكرالك ولا ذكري حلوه مش فاكره غير الوحش معلش اصل انا قلبي اسود، هقولك كمان اني غيرت رقمي و غيرت الاكونت وغيرت الفون كمان، بس بجد شكرا لانك علمتني كتير، فاهم زي ما بيجي في الافلام كدا تحصلي صدمه تخليني احسن من الاول صحيح هي خدت وقت بس ناو انا زي الفل 😂♥️ و مش تكبّر و كدا بس بعدك لقيت ناس كتير بيتمنوا اني بس ابصلهم و ناس كتير قسما بالله بس اللي اتعلمته من تجربتي معاك اني مدخلش اي حد حياتي كدا بالساهل و اخلي اللي عاوزني يطلع عين اللي جابه علشان بس اوافق عليه علشان يبقي عارف قيمتي، مش هقولك اني ارتبطت بعدك و كدا لا والله و مش علشان لسه بحبك و مستنياك لا علشان نفسي، علشان اعزز نفسي و اغليها و علشان ادركت ان دا كله لعب عيال و مراهقه، و اني مش هدّي حد اهتمام تاني ولا حب غير لما الشخص دا يكون خطيبي، من الاخر مش بكرهك ولا بحبك ولا فارق معايا والله لا بحلو ولا بوحش، باي يا سوذيك 😂