ردك ديما جميل وراقى ، هل بنصيحة نتعلم منها ردودنا تبقا جميلة مثل حضرتك كده ؟ أكيد الرد بيبقا نابع عن التفكير السليم ، ما العوامل إلى أدت إن يكون تفكيرك وردودك حلوين كده 😍 عايزين نتعلم منك أكثر ❤️

العفو ده فضل الله علينا انكم تشوفوا الرد حسن انا هقولك حاجات أن شاء الله تساعدك فى ده اولا انا مرجعى الأساسى فى الردود هو الانبياء كلهم والصحابة وخاصة النبى صلى الله عليه وسلم وسيدنا ابو بكر وسيدنا على بحس كده إن كان عندهم حكمة غير طبيعية فى الرد ولما تقرى قصصهم هتعرفى ده كويس ثانيا فيه كتب عن فن الرد اقرى منها قدر استطاعت بس الفكرة مش انى اقرى بس الموضوع محتاج تمرين يعنى انا مثلا اخد موقف رد فيه سيدنا على بحكمة اقرب موقف بلاقيه مشابه يستدعى رده واشوف النتيجة عشان اتمرن عليه اخيرا فيه مقولة بتقول خذ شئ على كل شئ وكل شئ عن شئ يعنى اعرف فى مجال عملك مثلا كل شئ تقريبا لكن اعرف فى كل مجال تانى ولو اساسياته فانا بتعلم فى اى مجال قدامى زى ما اهالينا كانوا بيقولوا كده بيجبوا قرطاس الطعمية يقروه يا رب اكون افادتك ❤️