كيف يكون تفكيرى راقى وفى محله ؟

يمكن ده من أفضل الأسئلة اللى جتلى الرقى هو السمو عن القاع وده لازم ينتج من ترتيب الأفكار والاستمرار فى تعلم الترتيب وده بيكون عن طريق ١- تلقى المعلومات من الخبراء وحط تحت الخبراء مليار خط وده فى المجالات الأساسية الدين ( يعلمك الغيب والتسليم - العلوم يعلمك المادة وحسن استخدامها - الحياة يعلمك اخلاقها وكيف تكون بين يديك ) ونصيحة الزم لكل وواحد خبيره يعنى كل واحد لوحده احسن ٢- القراءة لان القراءة ترتب الأفكار وتنظم العقل لان اللى بيتعلم يقرأ بالترتيب الصفح كل يوم هيعرف يرتب حياته ٣- الرياضة جزء أساسى لأنها بتنعكس على صفاء الذهن للاسف الناس فاهمة الرياضة للجسم فقط وده مش صح هتكتشف ده بنفسك لما تمارس رياضة بانتظام ٤- تجنب السفهاء أو زى ما بنقول صاحب الصالحين يصلحوك متبقاش مصاحب على علوكة وأشرف كخة وعايز تطلع طيار 😂😂 ٥- أعطى للناس ولا تاخذ منهم وتأسف للناس إن أخطأت وسامحهم إن اخطئوا لا تقارن نفسك لحد ولا تسمع من احد عن أحد ... وياريت بعد ده كله تسلم من اذاهم برضه ❤️