سؤال مجهول

أنا يحبني شخص ويوم حبيته بعد شهور تغير كان بيسوي كل شيء ولدرجة يصور لي يومياته وكل طلعاته يعلمني وبعد شهور تغير صارله سنة ونصف وللحين تزيد لين وصلت معد نسولف مع بعض ورده كلمة مختصرة ولا ايموجي لحد يقولي الكلام المستهلك لأن علاقتنا جدية ولزواج وأهله عرفوني ودايم أشوفهم بس من طريقته هذي وصلت إني أشك فيه حلفته بربي إذا كان عنده أحد وماعنده وما اقتنعت لين دخلت لجواله بنفسي ومافيه بس بعد هالشيء صرت قلقانة ودايم اتذكر البدايات وكلامه اللي كان ٢٤ ساعة لما أصارحه واسأله يقول عندنا ظروف ومشاكل بس ليه ظروفه تمنعه من إنه يتكلم معاي وهو عادي يطلع مع أصحابه ماعرفت وش أسوي ومرة اختفيت عنه عشان أشوف بينتبه لي ! وجاء وقلب الموضوع علي إني أنا اللي ما ابيه وعندي غيره 💔 معد عرفت وش اسوي والشك خلاص سيطر علي مع إني مصدقه حلفه وشفت بعيني مافيه شيء ولا حتى عنده جوال ثاني بس معد عرفت أتصرف ولا أستوعبت ودايم أبكي وبالنسبة للزواج هو صادق بس مع شكوكي صرت احس لا لأنه متوظف وراتبه كويس وأهله مقتدرين بس صار يقولي ما يقدر نتزوج حاليا بسبب ظروفه وأحيانا يعرف إنه متغير ويجي يقولي إن شاء الله تتيسر قريب ونكون مع بعض وللأمانة أنا أحسه مختلف عن اللي عرفته ومعد عرفت هو نرجسي أو كذاب أو من جد ظروف أحس تشتت ومعد عندي طريقة لحد يقول اسحبي نفسك لأن خلاص اهله قد كلموا أهلي وأحيانا يتواصلون بس نفسي أعرف وش فيه أو إذا أحد عنده طريقة يعلمني أنا ما أعرف سكولجية الرجُل وإذا رحت أصارحه احسه يسلك لي بالظروف وإذا اصريت أعرف قال إنتي نكديه ومشكلجيه مع إني العكس واللي عندها طريقة كيف أدخل سنابه بدون ما يدري تعلمني لأن يوم راقبته قبل كانت بداية تغييره وقد طلبته باس حسابه قال بتنعدم الثقة وهنا زادت شكوكي لأن لو مافيه شيء ماراح تنعدم