سؤال مجهول

انا عايزه اتكلم واطلع اللي جوايا وبس انا جيت الدنيا اصلا للعزاب احنا اختين بنات ابويا مش بيحب البنات امي كانت بتقول كده رمتنا عند تيتا وجدو وهي قعدت مع بابا كانت بتيجي تشوفنا كل أسبوعين لحد ما اخدتنا وانا في خامسه ابتدائي واختي في اعدادي عشنا معاهم كل يوم خناق وضرب وحرمان من كل حاجه بابا جاله جلطه وجاله شلل ماما كانت بتضربه وانا كمان كانت انانيه جدا كانت بتاكلنا رجلين الفراخ وبتشحت لينا الهدوم اختي اتجوزت وهي في سانة علشان تخلص منه انا كنت صغيره خدمت بابا كانت بتسيبنا من غير اكل ولاشرب الناس تعطف علينا وكانت بتستغل ظروف مرض بابا تاخد عليه من الناس فلوس هي كانت بتشتغل وظيفه حلوه اوي بس دايما كانت تقول معهاش فلوس المهم انا اتجوزت جوزي غلبان بتاع اهله شويه بس لما جيت هنا جاله مرض صعب وانا كمان مرضت صعبان عليا عيالي عارفين انا خايفه اوي اوي جوزي يجراله حاجه مش عارفه اعمل ايه انا ظروفي وحشه اوي اوي اوي انا مش بقول كده مش علشان عايزه حاجه من حد لا علشان خايفه انا اه بشتغل علي قدي وجوزي كمان بس خايفه مش عايزه ولادي يتبهدلوا زي انا اتبهدلت ولسه بتبهدل انا لما بيكون مفيش اكل مش باكل باكل العيال اهم حاجه انا اللي تعبني اكتر ان اختي تعرف واحده في بنك جابت الرصيد بتاع ماما امي مليونيره وكانت بتتلذذ انها تذلنا آه والله قمه الذل كان عندها متعه لما تشوفني جعانه وكمان كانت تضربني كانت تضرب بابا وهو مشلول بتقول انها كانت بتنتقم منه ارجوكم انا نفسيا محطمه وخايفه ومرعوب تخيلوا انا بقول لربنا خد عيالي علشان ابوهم مريض وانا عارفه ان مرضه صعب لو جراله حاجه مش هعرف اعمل حاجه انا صحتي خلاص ونظري علي قدي تخيلوا ام بتقول لربنا كده بدل ماتقول فرحني بولادي حياتي كلها بؤس حرفيا معلش طولت عليكم