سؤال مجهول

هلو .... احمد شلونك اتمنى تكون بخير اذا قريت هذا المسج اتمنى تعرف هذا الكلام هو مشاعر بكلبي من سنين . تمنيت انساها تمنيت ما اعرفها ولا اعيشها سنين احاول ادفنها او اكرها او اتخطها واعتبرها ماضي وانتهى بس كانت جميع المحاولات تؤدي الى الفشل هاي اول مرة اكتب واتمنى تكون اخر مرة هو موقف حطني كدام نفسي وسألت نفسي  ليش انت بالذات ليش ما اعرف انساك كل مرة اكول راح ابطل افكر بيك اصير لا شعوريآ افكر بيك زيادة عن اللزوم ليش الزمن توقف عندك التفكير بيك صار مرهق للاعصاب تمنيت تفهم هذا الشعور انو كمية اهدار وقت من عمرك  وانت تفكر بشخص طلع من حياتك تره هذا الشي جدآ صعب تخيل انت كل يوم تفكر بأنسان  ما موجود بحياتك  تمنيت تكون شخص واعي وتفكر قبل متدخل ب حياة  اي شخص لازم  تفكر هل خروجك من حياته راح يسبب ألم دخولك بحياتي كان بأختيارك وخروجك منها كان هم بأختيارك هم اجه على بالي كلت يمكن لان انت اخذت القرار فمشاعري بقيتها ألك  بس لا هو مو بالقرار سواء اني اخذت القرار او انت مشاعري وتفكيري بيك انت  .كلبي ميفكر غير بيك كأنو رب العالمين ما خلق كلوب البشر كلها بس مشاعري اختارتك انت مرت سنين وهواي اشخاص قابلت بحياتي بس ولا واحد منهم حسيت بي حتى خطيبي السابق احد اسباب الانفصال ما قبلت اخابرة لان ما ردت اسمع صوت غير صوتك .من صار الانفصال تمنيت لو ما نخطبت لان ظلمت نفسي وضلمتا بعدها صرت ارفض اي شخص يريد يدخل حياتي مو حبآ بيك وإنما قررت ما اريد اي شخص  يريد يدخل بحياتي لا انت ولا اي احد حتى لو مشاعري باقية إلك قررت اعيش النفسي وبس اتمنى تطلع من بالي. واتمنى اتخلص من مشاعري اتجاهك هوايه دعيت ربي انو انساك  جنت قبل اشوف الستوري عندك بالانستا على امل تنشر صورة او فيديو و اشوفها بس من هاي اللحضة قررت ما اشوف اي شي يخصك مو شرط احظرك اني اريد من هاي اللحظة انو اتشافه  منك واول شي راح اسوي حتى انساك انو اشوف اسمك وما ادخل على الستوري وانو من اسمع اسم يشبه اسمك اريد متجي على بالي  اتمنى اتخطى كل مشاعري اتجاهك اذا التقينا بيوم من الايام اتمنى اكون متخلصة من حبي اتجاهك واخر شي  اكوله الله يوفقك بحياتك ويا رب تكون حياتك سعيدة . هذه الرساله اول واخر كلام  من كلبي ألك