ماذا تفعل عندما تحاصرك الدنيا بالهموم 🙏🏻

لما تحاصرني الهموم بمعنى ادق ، لان الدنيا مالها ذنب ! بجيب ورقة واكتبها فكرة فكرة ، برجع اقرأها كثير ، في منها اللي مايستحق التفكير أصلًا وفي منها اللي يحتاج اشتغل عليه ، ابدأ بالمهم المهم ، وآخذ استراحات مطولة اذا كان الهم ما يستدعي استبعاد عاجل. الهموم تحاصر مكتوف الايدي ولكن متأكده انك مب مكتوف اليد وقادر/ه تنفيها نفي . هذا لان همومي اغلبها مهام كتابية وتخص الجامعة ، ولكن ممكن تتطبق الخطة هذي على اي افكار تزاحم الشخص ، لان بدل التفكير لازم نشتغل ونلتهي باللي منه فايدة ونطبقه . اما لو كان الهم دين او امور حقيقية مزعجة ، يبدأ الانسان يدور لمصدرها ، مثلًا الديون بتعني ان الشخص ماكان مستغل وقته وعمله بالشكل الصحيح ، فيبدأ يسوي خطة جديدة ويدور على مشاريع صغيرة تزيد من مدخراته مثلًا . واذا الهموم تنذكر اذكروها عشان نرتب لكل شيء خطه او عشان اتكلم بشكل أدق. وبين هذا وهذا وبين زحمة الافكار والهموم وقلة الحيلة اذكركم بقوله تعالى :(وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ) والهم اقوى ألم نفسي واقوى تعذيب فكري بين الاستراحة والثانيه والفكره واختها ،استغفر ،سبح ،حوقل (وادعي الله كثير )🦋