الحين اذا عندي صديقه واعزها واغار عليها من كل الي حولها يمكن تقولين تفاهة بزران بس وربي احسس ازعل اذا احد قرب منها مابي حتى يسلمون عليها اذا شفتهم يحبونها اتضايق واروح اخليهم اوك اعزها بس شسوي 😭💔💔؟!.

دايما افكارنا اللي نضخمها في انفسنا تخلينا نحس بالتفاهه، تذكري ان ممكن تمتلكين كل شيء بالحياة الا انك تتملكين بشر ، يعني لاتخلين غايتك هو ان يدوم لك اي انسان ابدا لان مستحيل تتفوقين على شيء مب ثابت مثل الانسان وتقلباته، فغيرتك هذي هي بسبب افكارك المبالغ فيها ( واخطر الافكار هي اللي تكون بينك وبين نفسك وتدور حول الموضوع نفسه وبكل وقت ) يعني لما تشوفيها مع غيرك تتكلمين في نفسك بخوف انها تصاحب غيرك وتروح ، وهالمواقف والمخاوف تجمعت لين صرتي كذا واكيد انك دايما تسوين كل اللي تقدرين عليه عشان ماتروح تصاحب غيرك او عشان ماتتغير عليك ومع كل هذا هي تروح والانسانه طبيعيه لكن انتي اللي افكارك مب طبيعية كيف تعالجين افكارك او زي مايقولون تغيرين برمجتها ؟ اولا لما تشوفيها راحت تسولف او تجلس مع غيرك ابتسمي وحاولي تروحين تسولفين معهم او مع غيرهم عشان تكتسبين المهارة الاجتماعية اللي عند صاحبتك لو ماكانت عندك وبيكون الوضع ممتع ( يعني تحولين الموقف لصالحك ومصلحتك ). ثانيًا بمجرد ماتراودك الافكار والغيرة تذكري كلامي ان البشر مب ( ثابتين ابدا ) وانتي نفسك بتتغيرين بعد كم تجربه وبتتأكدين من كلامي ، يعني تقبلي كون الطرف الثاني مختلف عنك ومايحمل لك نفس المشاعر ،وتوقعي كل شيء من اي احد وحطي ببالك ان انتِ انتِ معهم او بدونهم ، لأن الشخص اللي بيتغير على نفسه عشان الناس اذا ماكان للأحسن فهو ظالم .