هلو زوزه شلونج خوش تنصحين ههههه مثقفه وواعيه الله يحفظج حبي اني مشكلتي احب شخص وهو هم عود يحبني صارلنه 4 سنوات متفقين على الزواج بس هو ممكمل دراسه بس اني مكمله و حالته الماديه تعبانه ومايكدر يتزوجني بس صبرنه هوايه شو البارحه يكولي اخذت خيره وطلعت مانصير لبعض طبعاً ممصدكته اني احسه يكذب يكولي دزيت امي واخذتلي هو جان رايدني بس مادري شبي كتله انت متريدني يكولي لا رايدج وخلي نصبر وهو قبلها كايلي اني يمكن مااستاهلج اسفه طولت عليج بس نصحيني شسوي اتركه لو شسوي للعلم اني م 98 يعني مو صغيره ومشكوره حبي

هههه حبيبتي تسلميلي♥️بالنسبة للولد بغض النظر عن وضعه ودراسته بس هذا جذاب 😂وربج اخذيها مني هاي دروبهم التعبانة مال خيرة ومنصير وبت خالتي تحبني 😂 ذني السوالف صارن ينكثن تراب ف المفروض متعبر عليج وبس يكلج هيج طكيه سفن وطيحي حظه وحظ الاربع سنين وياه لان ذوله الا بالعين الحمرا يلا يجون ميفيد وياهم عيني واغاتي ولا تبين بعينهم عشرة عمر ..نصيحه انطيه درس وتركيه وشوفي حياتج تستاهلين الاحسن منه الف واحد يتمناج مستحيل الدنيا توكف ع شخص واحد وخلي ببالج دامج صادقة بمشاعرج وماخدعتيه وعاملتيه بصدق نية شوفي الله شون رح يدزلج واحد نفس طيبة كلبج ويعوضج عن ذاك التافه المورجال ..وربي يوفقج والسعادة لقلبج♥️