مساء الخير ممكن اسألك سؤال شاغل بالي وودي اعرف لماذا فيه بدايه علم نفس المراحل العمرية اهتموا اكثر في مرحله الطفولة والمراهقه اكثر من الشيخوخه والكهولة؟

مساء النور حبيبي،شوفي يا عمري مرحلة الطفولة والمراهقة تعتبر مهمة مره مره،طيب هي ليه مهمة لذا الدرجة وليش المفروض اننا نهتم فيها اكثر ونركز عليها اكثر من باقي المراحل الثانية؟ لأنها تعتبر مراحل بناء وتكوين،عاد تجي بعدها الرشد والكهولة كنتيجة للبناء والتكوين اللي صاروا بالمرحلتين السابقتين عرفتي كيف؟يعني مثلاً هالطفل او المراهق عاش وسط اسرة متفككة ومشاكل،بنتظر يخرج لي شخص كويس وكفو؟ لا طبعاً شيء طبيعي انه راح يخرج لنا رجل مضطرب ومليان عقد نفسية وبيتزوج واكيد راح يجيب عيال اقوى اضطراباً منه،فمن البداية لازم نهتم عشان م نخلف و نخرج لنا مجموعة من اللي يعانون من الامراض والعقد بسبب اهمالهم بهالمرحلتين،كل شيء بالحياة لازم نهتم بمراحلة الاوله حتى فالحياة العادية،بجي مثلا اعمر بيت؟لازم مراحله الاولى والاساسات حقت البيت تكون جودتها كويسة واصلية عشان مستقبلاً لا سكنت فيه؟يكون بيت كويس وما اتورط فيه وكل شوي يخرب لي شيء،فيعني كل شيء لازم اهتم ببدايته لأن البداية هي الاساس محد راح يبدأ من النهاية ويمشي بالمقلوب،عاد خلاص كان فليتها معسلامة،كثرت هدره بس ابي توصل لش فكرة قد ايش هي مهمة😭😂.