سؤال مجهول

مشكلتي طويله معلش استحملوني عشان تعبت معافره.. انا اتجوزت من 3 سنين حرب أيوه عن حرب قريتوا صح.. حاربت الدنيا عشانه وعدينا بمشاكل كتير بيننا يعني تقريبا كان بيحاربني مع الدنيا وحصل حاجات كتير جدا كانت بتقول انه ماينفعش وفعلا بعدت وسيبته بس فضل يحاول تاني شهور ويلف ورايا ف كل حته حرفيا عشان نتجوز واتجوزنا بسرعه وبرضه انا اتنازل عن حقوق كتير زي شقه وعفش ومش بتكلم ماديا انا اقصد فرحتي بكل ده راحت وقالنا 3 سنين متجوزين كلهم مشاكل بشعه بالرغم من انه في مركز مرموق ف الAUC الا انه لسانه طويل وأيده كمان وغلط فيا كتير وف اهلي وانا كنت باخد حقي بصراحه ولكن دلوقتي معايه بنت 9 شهور وهو انسان بارد جدا وانا عصبيه بحكم اللي عشته معاه وهو بيستفزني جدا وانا مش عايزه مشاكل قدام بنتي.. هو دلوقتي لظروف خارجه عن ارادته جاب شقه وعفش من شهرين بس هو ذلال ودايما يذكر اي حاجه عملها حتى لو اشترى رغيف عيش وفاهم انه بيعمل اللي ماحدش عمله وعمال يشتكي ليل نهار بانه صرف فلوس وتعب في النقل مع انه معاه فلوس ومع اننا اشترينا عفش مستعمل وانا رضيت بقليلي وهو مش بخيل بس من ساعة ما اخدنا البيت الجديد وهو حتى لو سألته عامل ايه يقولي عمال بصرف واتعب و و و ويفضل يعد كل حاجه عملها بالحرف مع انه عمل عشان البنت مش عشاني لما انا قلت هتطلق ولقى نفسه كده كده هيجيب عفش عشان البنت وهياخدلنا سكن فقال يضرب عصفورين بحجر وهي دي المشكلة الأكبر انه طماع جدا وعايز ياخد كل حاجه ومايخسرش حاجه ابدا ولا يدفع تمن اي حاجه وانا اكتر حاجه تضايقني الطمع طماع لدرجة انه بياخد حاجات مش من حقه زي ان حد كذا مره يتبرع بحاجات لناس غلابه وهو يروح ياخدهم لنفسه مع انه مش محتاج ولما عمل كده وانا رفضت استجاب ف المره دي بس بعد بيطمع بطرق تانيه وياخد حاجات مش من حقه بحجة انه الناس مآمناه ومعتبرين ان الحاجه بتاعته زي ماهي بتاعتهم.. انا تعبت منه جدا ده غير الذل والاهانه ومابقتش اسمع كلمه عدله نهائي وكل كلامه وردود أفعاله سلبيه.. هو وقف جنبي ودعمني كتير وده اللي خلاني اكمل قبل ما اخلف زائد اني كنت بحبه جدا.. يتبع